គណៈកម្មាធិការសម្រាប់គ្រប់គ្រងកិច្ចព្រមព្រៀងសម្បទានគម្រោងផ្លូវល្បឿនលឿនភ្នំពេញ-ក្រុងព្រះ សីហនុ បើកកិច្ចប្រជុំលើកទី២ ដើម្បីដោះស្រាយបញ្ហាប្រឈម

(ភ្នំពេញ)៖​ នាព្រឹកថ្ងៃទី៥ ខែធ្នូ ឆ្នាំ២០២៣នេះ​ ឯកឧត្តម ​ សួង ហេង រដ្ឋលេខាធិការក្រសួង សាធារណការ និងដឹកជញ្ជូន និងឯកឧត្តម មាស សុខសេនសាន រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុបានដឹកនាំជាសហប្រធានលើកិច្ចប្រជុំគណ:កម្មាធិការគ្រប់គ្រងកិច្ចព្រមព្រៀងសម្បទានគម្រោងផ្លូវល្បឿនលឿនភ្នំពេញ-ក្រុងព្រះសីហនុ ដោយមានការចូលរួមពីលោកអនុរដ្ឋលេខាធិការ អគ្គនាយក លោក លោកស្រី​ ជាសមាជិកនៃគណ:កម្មាធិការ និងក្រុមការងារអញ្ជើញមកពីក្រសួង សាធារណការ និងដឹកជញ្ជូន និង សេដ្ឋកិច្ចនិងហិរញ្ញវត្ថុ ។

កិច្ចប្រជុំនេះធ្វើឡើងដើម្បីពិនិត្យ ដោះស្រាយបញ្ហាមួយចំនួន ដើម្បីជួយសម្រួលការគ្រប់គ្រងប្រតិបត្តិ ការ និងដំណើរការរបស់គម្រោងឱ្យប្រព្រឹត្តទៅដោយរលូន ក៏ដូចជាជួយដល់វិនិយោគិនទាំងការក ចំណូលហិរញ្ញវត្ថុ និងផ្នែកបច្ចេកទេស។

ក្នុងនោះអង្គប្រជុំបានពិភាក្សាលើការផ្សព្វផ្សាយប្រកាសកែសម្រួលគណៈកម្មាធិការ យន្តការជំរុញ និងលើកទឹកចិត្តដល់រថយន្តធុនធ្ងន់ដឹកទំនិញឱ្យប្រើប្រាស់ផ្លូវល្បឿនលឿន ការធ្វើបច្ចុប្បន្នភាព ការងារសេសសល់ ការរៀបចំផែនការសម្រាប់ការងារគ្រប់គ្រងកិច្ចសន្យា និងការប្រើប្រាស់បច្ចេក វិទ្យា ដើម្បីគ្រប់គ្រង និងជំរុញការបម្រើសេវាផ្លូវល្បឿនលឿនឱ្យកាន់តែល្អប្រសើរ៕