ស្អែកនេះ ព្រឹទ្ធសភា នឹងបើកកិច្ចប្រជុំវិសាមញ្ញ ពិនិត្យ និងឱ្យយោបល់លើសេចក្តីព្រាងច្បាប់បង្កើត ក្រសួងអធិការកិច្ច និងរដ្ឋលេខាធិការដ្ឋានកិច្ចការព្រំដែន

(ភ្នំពេញ)៖ បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា នៅថ្ងៃទី២០ ខែកញ្ញា ឆ្នាំ២០២៣ បានកំណត់យកថៃ្ងទី២១ ខែកញ្ញា ស្អែកនេះ ដើម្បីប្រជុំព្រឹទ្ធសភាជាវិសាមញ្ញ នីតិកាលទី៤ ដោយមានរបៀបវារៈចំនួន២។

កិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា បានធ្វើឡើងក្រោមអធិបតីភាព ឯកឧត្តម កិត្តិនីតិ កោសលបណ្ឌិត ស៊ឹម កា ប្រធានស្ដីទីព្រឹទ្ធសភា ដែលទទួលបាន។

របៀបវារៈទាំងពីរនោះ រួមមាន៖

* ១៖ ពិនិត្យ ហើយឱ្យយោបល់លើសេចក្តីព្រាងច្បាប់ស្តីពី ការបង្កើតក្រសួងអធិការកិច្ច។

* ២៖ ពិនិត្យ ហើយឱ្យយោបល់លើសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការ ព្រំដែន៕