អ៊ុយក្រែនឃាត់ខ្លួននិងដកតំណែងប្រធានតុលាការកំពូល ក្នុងសំណុំរឿងស៉ីសំណូកលុយរាប់លាន ដុល្លារ

កៀវ)៖  តាមការចេញ​ផ្សាយដោយ ទីភ្នាក់ងារព័ត៌មាន AFP នៅថ្ងៃពុធ ទី១៧ ខែឧសភា ឆ្នាំ២០២៣ ប្រាប់អោយដឹងថា កាលពីថ្ងៃអង្គារសប្តាហ៍នេះ ប្រធានតុលាការកំពូលនៃប្រទេសអ៊ុយក្រែន ត្រូវបាន ឃាត់ខ្លួននិងដកពីតំណែង ពាក់ព័ន្ធការស៉ើប​អង្កេតករណីស៉ីសំណូកមួយ ដែលអាជ្ញាធរប្រយុទ្ធ ប្រឆាំងអំពើពុករលួយអ៊ុយក្រែន ចាត់ទុកជាសំណុំរឿងដ៏ធំបំផុត។

លោក អូឡិចសាន់ដឺ អូមេលឆិនកូ (Oleksandr Omelchenko) ដែលជារដ្ឋអាជ្ញានៃការិយាល័យរដ្ឋ អាជ្ញាឯកទេសផ្នែកប្រឆាំង​អំពើពុករលួយ (SAPO) បាននិយាយថា ប្រធានតុលាការកំពូលអ៊ុយ ក្រែនត្រូវបានឃាត់ខ្លួន ក្រោមការសង្ស័យពាក់ព័ន្ធការស៉ីសំណូក។ លោក អូមេលឆិនកូ មិនបាន បង្ហើបពីអត្តសញ្ញាណរបស់ចៅក្រមកំពូលរូបនោះឡើយ ប៉ុន្តែគេដឹងថាមកទល់ពេលនេះ តុលាការ កំពូលអ៊ុយក្រែន​ត្រូវបានដឹកនាំដោយ លោក វីសេវ៉ូឡូដ ឃ្ញែហ្សេវ (Vsevolod Kniaziev)។ ប៉ុន្មានម៉ោងក្រោយការឃាត់ខ្លួនខាងលើ តុលាការកំពូលអ៊ុយក្រែនបានកោះប្រជុំពេញអង្គបន្ទាន់មួយ​ ដើម្បីបោះឆ្នោតដកសេចក្តីទុកចិត្ត​ពី​លោក ឃ្ញែហ្សេវ ហើយបានដកតំណែងជាប្រធានតុលាការ របស់លោក៕