(ភ្នំពេញ)៖ នៅព្រឹកថ្ងៃព្រហស្បតិ៍ ទី១៥ ខែកញ្ញា ឆ្នាំ២០២២នេះ សម្តេចតេជោ ហ៊ុន សែន នាយក រដ្ឋមន្ត្រីកម្ពុជា និងជាប្រធានអាស៊ាន បានអញ្ជើញថ្លែងសុន្ទរកថាគន្លឹះតាមប្រព័ន្ធវីដេអូ បើកកិច្ចប្រជុំ រដ្ឋមន្ត្រីថាមពលអាស៊ានលើកទី៤០ និងកិច្ចប្រជុំពាក់ព័ន្ធ។ ក្នុងសុន្ទរកថាគន្លឹះនេះ សម្តេចតេជោ បានដាក់ចេញនូវគំនិតផ្តួចផ្តើមមួយចំនួន ដើម្បីដោះស្រាយបញ្ហាប្រឈមផ្នែកថាមពលក្នុងតំបន់ អាស៊ាន។ ក្នុងគំនិតផ្តួចផ្តើមទាំងនោះ សម្តេចតេជោ បានស្នើឱ្យប្រទេសសមាជិកអាស៊ាន ជំរុញត ភ្ជាប់ខ្សែបញ្ជូនថាមពលអាស៊ាន និងបំពង់ឧស្ម័ន ដើម្បីតភ្ជាប់ថាមពលអគ្គិសនីក្នុងតំបន់។
កិច្ចប្រជុំរដ្ឋមន្ត្រីថាមពលអាស៊ានលើកទី៤០ កិច្ចប្រជុំពាក់ព័ន្ធ និងវេទិកាធុរកិច្ចថាមពល អាស៊ាន ឆ្នាំ២០២២ ធ្វើឡើងក្រោមមូលបទ «បង្កើនល្បឿនអន្តរកាលថាមពល ៖ការស្ដារសេដ្ឋកិច្ច ឡើងវិញ និង កំណើនប្រកបដោយចីរភាព»។ កិច្ចប្រជុំនេះធ្វើឡើងបែបកូនកាត់ ដោយមាន ទាំងការចូលរួម ផ្ទាល់ និងតាមប្រព័ន្ធវីដេអូពីចម្ងាយ។
ថ្លែងទៅកាន់ពិធីបើកកិច្ចប្រជុំតាមប្រព័ន្ធវីដេអូ សម្តេចតេជោ ហ៊ុន សែន បានថ្លែងកត់សម្គាល់ថា តំបន់អាស៊ាន ក៏ដូចជាពិភពលោកទាំងមូល បាននិងកំពុងស្ថិតនៅ និងឆ្លងកាត់ក្នុងកាលៈទេសៈដ៏ ស្មុគស្មាញ និងពិបាកប៉ាន់ប្រមាណបាន។ ថ្វីដ្បិតតែការឆ្លងរាល ដាល នៃជំងឺកូវីដ-១៩ បានថមថយ ក្នុងកម្រិតមួយ ហើយបណ្តាប្រទេសនានា នៅជុំវិញពិភព លោក បានបើកដំណើរការសង្គម សេដ្ឋ កិច្ចពេញលេញជាបណ្តើរៗក៏ដោយ ក៏ការងើបឡើងវិញ នៃសង្គម សេដ្ឋកិច្ចហាក់នៅមានភាពផុយ ស្រួលនៅឡើយ ដោយសារបញ្ហាប្រឈមថ្មីៗ បាននិងកំពុងកើតឡើងជាបន្តបន្ទាប់។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានគូសរំលេចថា ការកើនឡើងនៃសេចក្តីត្រូវ ការ ថាមពល និងអស្ថិរភាព នៃថ្លៃ ប្រេងឥន្ធនៈនៅលើទីផ្សារអន្តរជាតិ បាននិងកំពុងបង្កឱ្យ មាន អតិផរណាខ្ពស់ ស្របពេលដែល ការរឹតបណ្តឹងគោលនយោបាយរូបិយវត្ថុពីសំណាក់ធនាគារ កណ្តាលនៃបណ្តាប្រទេសជាច្រើន បានដាក់សម្ពាធបន្ថែមមកលើតម្រូវការ និងកំណើនសេដ្ឋកិច្ច សកល។ ជាមួយគ្នានេះ ការប្រែប្រួលអាកាសធាតុការកើនឡើងកំដៅផែនដី និងគ្រោះធម្មជាតិ ក៏បាននិងកំពុងលេចរូបរាងកាន់តែច្បាស់ និងមានឥទ្ធិពលកាន់តែខ្លាំងឡើងៗ ដែលការណ៍ នេះ អាចបង្កឱ្យមានការផ្លាស់ប្ដូរនិម្មាបនកម្មសេដ្ឋកិច្ច និងការធ្លាក់ចុះដ៏គួរឱ្យព្រួយបារម្ភ នៃ ខ្សែច្រវាក់ តម្លៃ និងផលិតភាពសកល។
នៅចំពោះមុខបញ្ហាប្រឈមទាំងនេះ សម្តេតេជោ ហ៊ុន សែន ក្នុងនាមជាប្រធានអាស៊ាន បាន លើកឡើងថា អាស៊ាន ក៏ដូចជាពិភពលោកទាំងមូល ចាំបាច់ត្រូវយកចិត្តទុកដាក់លើអន្តរកាល ថាមពល ដែលជាកិច្ចការគន្លឹះមួយ ក្នុងការជំរុញការស្តារ និងអភិវឌ្ឍសង្គម-សេដ្ឋកិច្ចឡើងវិញ ប្រកបដោយចីរភាព និងភាពរឹងមាំ។
បន្ថែមពីលើនោះ សម្តេចតេជោ ហ៊ុន សែន ក៏បានផ្តល់ជាយោបល់ និងគំនិតផ្តួចផ្តើមចំនួន៤រួមមាន៖
១៖ ជំរុញការអនុវត្តការតភ្ជាប់ខ្សែបញ្ជូនថាមពលអាស៊ាន និងបំពង់ឧស្ម័នកាត់តាមបណ្ដា ប្រទេស អាស៊ាន ដោយត្រូវពន្លឿនបន្ថែមការងារសំខាន់ៗ ដែលនៅសេសសល់ទាំងការងារ បច្ចេកទេស និងការរៀបចំបទប្បញ្ញត្តិផ្សេងៗ ដើម្បីឆ្ពោះទៅរកការធ្វើសុខដុម-នីយកម្ម ក្រប ខណ្ឌបញ្ញត្តិកម្ម និងស្ដង់ដារបច្ចេកទេស និងសម្រេចឱ្យបាននូវការតភ្ជាប់ថាមពលអគ្គិសនី ក្នុងតំបន់
២៖ ជំរុញការអនុវត្តគោលនយោបាយ ច្បាប់ និងបទប្បញ្ញត្តិថាមពលស្អាត កិច្ចការពារបរិស្ថាន និង ការគ្រប់គ្រងធនធានធម្មជាតិ ឱ្យបានជាអតិបរមា តាមដែលអាចធ្វើទៅបាន ដើម្បីចូល រួមចំណែក ដល់ការកាត់បន្ថយការប្រែប្រួលអាកាសធាតុ និងឈានទៅរកអព្យាក្រឹត្យភាព កាបូន
៣៖ ពង្រឹង និងពង្រីកកិច្ចសហប្រតិបត្តិការអន្តរជាតិ ដើម្បីបង្កើនពាណិជ្ជកម្មថាមពលអគ្គិសនី បង្កើនភាពចម្រុះនៃប្រភពថាមពល និងភាពបំពេញឱ្យគ្នាទៅវិញទៅមក ផ្លាស់ប្ដូរពិសោធន៍ ចែករំ លែកបច្ចេកវិទ្យាថ្មី និងបង្កើនប្រភពហិរញ្ញប្បទាន
៤៖ ចូលរួមយ៉ាងសកម្ម ដើម្បីសម្រេចឱ្យបាននូវផែនការសកម្មភាពនៃកិច្ចសហប្រតិបត្តិការ ថាមពល អាស៊ាន ឆ្នាំ ២០២១-២០២៥ ដូចដែលបានកំណត់។
ក្រៅតែពីផ្តល់នូវទស្សនទានសម្រាប់ដោះស្រាយបញ្ហាថាមពលនៅក្នុងតំបន់ហើយនោះ សម្តេច តេជោនាយករដ្ឋមន្ត្រីក៏បានលើកបង្ហាញនូវកិច្ចប្រឹងប្រែងមួយចំនួនរបស់កម្ពុជាលើការងារថាមពលនេះផងដែរ។ សម្តេចតេជោ បានលើកបង្ហាញថា កម្ពុជាបាននិងកំពុងខិតខំប្រឹងប្រែងយ៉ាងសកម្ម ក្នុងការបញ្ចូលប្រភពថាមពលកកើតឡើងវិញ ទៅក្នុងល្បាយនៃប្រភពថាមពលរបស់ខ្លួន។ ជាក់ស្ដែងក្នុងឆ្នាំ២០២១ កន្លងមកនេះថាមពល ដែលបានមកពីប្រភពថាមពលកកើតឡើង វិញ រួមមានវារីអគ្គិសនី ថាមពលដើរដោយពន្លឺព្រះ អាទិត្យ និងថាមពលជីវម៉ាស់ បានកើនឡើងទៅដល់ ៤០% នៃថាមពលសរុបរបស់កម្ពុជា។ ម្យ៉ាង ទៀត បើពិនិត្យមើលតាមទំហំអានុភាពនៃប្រភពថាម ពលរបស់កម្ពុជា ចំណែកអានុភាព ប្រភពថាមពលកកើតឡើងវិញ គឺមានរហូតដល់ ៥៥% នៃអានុ ភាពដំឡើងសរុប។
សម្រាប់ទិស ដៅទៅមុខ កម្ពុជានឹងបន្តជំរុញការយកចិត្តទុកដាក់លើការ អភិវឌ្ឍប្រសិទ្ធភាព ថាម ពល និង ថាមពលកកើតឡើងវិញឱ្យបានអតិបរមា និងជាបន្តបន្ទាប់ ទៅតាមលទ្ធភាព ទទួលបាន របស់ ប្រព័ន្ធផ្គត់ផ្គង់ថាមពលកម្ពុជា ជាមួយនឹងការកាត់បន្ថយ ការអភិវឌ្ឍគម្រោង ប្រភពថាមពល ដែលប្រើប្រាស់ឥន្ធនៈហ្វូស៊ីល ដែលមានធ្យូងថ្ម និងប្រេង ជាដើម ។ ដើម្បី សម្រេចទិសដៅនេះ កម្ពុជាបាននិងកំពុងសហការជាមួយដៃគូអភិវឌ្ឍន៍នានា ក្នុងការសិក្សា និងរៀបចំផែនការមេ អភិវឌ្ឍន៍វិស័យថាមពលកម្ពុជារហូតដល់ឆ្នាំ២០៤០ គោលនយោបាយជាតិស្តីពីប្រសិទ្ធភាពថាម ពល ផែនទីបង្ហាញផ្លូវស្តីពីការអភិវឌ្ឍអន្តរកាលថាមពលស្អាត ឆ្ពោះទៅអព្យាក្រឹត្យភាពកាបូន និងគោលនយោបាយអភិវឌ្ឍន៍ថាមពលពន្លឺព្រះអាទិត្យលើដំបូលនៅកម្ពុជា។
សម្តេចតេជោបានបន្ថែមថា ក្រោមកិច្ចសហការយ៉ាងសកម្មបន្ថែមទៀតពីដៃគូអភិវឌ្ឍន៍ កម្ពុជាក៏បាន និងកំពុងរៀបចំកម្ម វិធីអភិវឌ្ឍន៍អន្តរកាលថាមពលរបស់ខ្លួន ដោយផ្តោតលើកម្មវិធី នៃការកែ ទម្រង់ សំខាន់ៗចំនួន ៣ រួមមាន៖ (១). ការរៀបចំផែនការថាមពល និងការពង្រឹងស្ថាប័ន, (២). ការបង្កើន ល្បឿន អន្តរកាលសេដ្ឋកិច្ចវិលជុំនិងការបញ្ចេញឧស្ម័នកាបូនទាប និង (៣). តម្លា ភាព និងភាព ប្រកួត ប្រជែងសម្រាប់ការវិនិយោគក្នុង គម្រោងថាមពលថ្មីនៅក្នុងក្របខណ្ឌ អាស៊ាន ក្នុងនាមជា ប្រធាននៅក្នុងឆ្នាំ ២០២២ នេះ កម្ពុជានឹងបន្តចូលរួមចំណែកបង្កើត គំនិតផ្ដួចផ្តើមថ្មីៗ និងជំរុញ ការចូលរួមបន្ថែមលើរាល់សកម្មភាព និងគម្រោងអន្តរកាលថាម ពលក្នុងតំបន់ ប្រកប ដោយប្រសិទ្ធ ភាពខ្ពស់បំផុត៕
