(ភ្នំពេញ)៖ នៅព្រឹកថ្ងៃអង្គារ ទី០២ ខែសីហា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋ មន្ត្រីកម្ពុជា អនុញ្ញាតឱ្យលោកស្រី ង្វៀន ធីថាញ់ (Nguyen Thi Thanh) សមាជិកគណៈកម្មាធិការ មជ្ឈឹម នៃបក្សកុម្មុយនិស្តវៀតណាម ជាសមាជិកគណៈកម្មាធិការអចិន្ត្រៃយ៍នៃរដ្ឋសភា ជាប្រធាន គណៈកម្មការទទួលបន្ទុកការងារ រដ្ឋសភា និងជាអនុប្រធានគណៈចាត់តាំងមជ្ឈឹម ចូលជួបសម្តែង ការគួរសម និងពិភាក្សាការងារ។
សូមបញ្ជាក់ថា លោកស្រី ង្វៀន ធីថាញ់ បាននិងកំពុងបំពេញទស្សនកិច្ចនៅកម្ពុជា ដើម្បីរួមចំណែក លើកកម្ពស់ទំនាក់ទំនងកម្ពុជា និងវៀតណាម ក្នុងឱកាសខួប៥៥នៃទំនាក់ទំនងការទូតរវាង ប្រទេស ទាំងពីរ។ ក្នុងដំណើរទស្សនកិច្ចនេះ លោកស្រី ង្វៀន ធីថាញ់ បានអញ្ជើញជួបសម្តែងការគួរសម និងពិភាក្សាការងារជាមួយថ្នាក់ដឹកនាំស្ថាប័នព្រឹទ្ធសភា រដ្ឋសភា និងថ្នាក់ដឹកនាំតាមក្រសួងស្ថាប័ន មួយចំនួនទៀតនៃរាជរដ្ឋាភិបាលកម្ពុជា៕
