(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១១ ខែកក្កដា ឆ្នាំ២០២២នេះ បាន ចេញសេចក្ដីណែនាំស្តីពី យុទ្ធនាការផ្សព្វផ្សាយរបបសន្តិសុខសង្គមផ្នែកប្រាក់សោធន សម្រាប់ បុគ្គលទាំងឡាយ ដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ រយៈពេល៩០ថ្ងៃ គឺចាប់ពីខែ កក្កដា ដល់ដំណាច់ខែកញ្ញា ឆ្នាំ២០២២ នេះតទៅ នៅតាមបណ្ដាតំបន់សេដ្ឋកិច្ចពិសេស សួនឧស្សា ហកម្ម រោងចក្រ សហគ្រាស គ្រឹះស្ថានទូទាំងរាជធានី ខេត្ត ក្រុង ស្រុក ខណ្ឌ។
ក្រសួងការងារ បានស្នើសុំដល់នាយក ឬម្ចាស់រោងចក្រ សហគ្រាស គ្រឹះស្ថានត្រូវផ្តល់កិច្ចសហការ ផ្តល់ទីកន្លែង និងរៀបចំកម្មករនិយោជិត ឱ្យបានចូលរួមស្វែងយល់ពីកាតព្វកិច្ច និងអត្ថប្រយោជន៍នៃ របបសន្តិសុខសង្គម ផ្នែកប្រាក់សោធនសម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញត្តិ នៃច្បាប់ស្ដីពីការងារ ដែលមានរយៈពេលយ៉ាងតិចចំនួន២ ម៉ោងក្នុងមួយពេល។ មួយវិញទៀត នាយក ឬម្ចាស់រោងចក្រ សហគ្រាស គ្រឹះស្ថានត្រូវធានាថាកម្មករ និយោជិតរបស់ខ្លួន បានចូលរួម ដើម្បីយល់ដឹងពីកាតព្វកិច្ច សិទ្ធិ និងអត្ថប្រយោជន៍នៃការចូលរួម ក្នុងផ្នែកប្រាក់សោធន៕
ព័ត៌មានលម្អិតសូមអានសេចក្តីណែនាំរបស់ក្រសួងការងារទាំងស្រុង៖
