(ប៉ៃលិន)៖ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ និងជា ប្រធានគណៈកម្មការសាងសង់វិមានឈ្នះឈ្នះ តំណាងសម្តេចតេជោនាយករដ្ឋមន្រ្តី នៅថ្ងៃទី៨ ខែឧសភា ឆ្នាំ២០២១ បានអញ្ជើញបញ្ចុះបឋមសិលាបើកការដ្ឋានសាងសង់ស្តូបអនុស្សារីយ៍ នយោបាយឈ្នះឈ្នះ នៅក្នុងខេត្តប៉ៃលិន ដោយមានការចូលរួមពីសំណាក់សមាជិកព្រឹទ្ធសភារដ្ឋ សភា រដ្ឋលេខាធិការ អនុរដ្ឋលេខាធិការ អគ្គមេបញ្ជាការរង មេបញ្ជាការ មេបញ្ជាការរងយោធភូមិ ភាគ នាយទាហាន នៅក្នុងក្រសួងការពារជាតិ អគ្គមេបញ្ជាការ កងទ័ពជើងគោក ជើងទឹក ជើង អាកាស កងរាជអាវុធហត្ថ ប្រជាពលរដ្ឋ សិស្សានុសិស្ស កងកំលាំងប្រដាប់អាវុធ ក្នុងខេត្តប៉ៃលិន យ៉ាងច្រើនកុះករ។
ពិធីបញ្ចុះបឋមសិលាបើកការដ្ឋាន សាងសង់ស្តូបអនុស្សារីយ៍នយោបាយឈ្នះឈ្នះ នៅក្នុងខេត្ត ប៉ៃលិន នាពេលនោះ បានប្រព្រឹត្តទៅតាមប្រពៃណីព្រះពុទ្ធសាសនា ដោយបានប្រារព្ធពិធីក្រុង ពាលីសុំម្ចាស់ទឹក ម្ចាស់ដី ដែលក្នុងពិធីក្រុងពាលីនេះ មានការនិមន្តចូលរួមពីសម្តេចព្រះឧត្តមវង្សា កិត្តិបណ្ឌិត មួង រ៉ា សម្តេចព្រះសង្ឃនាយករងទី៣ និងជាព្រះអគ្គាធិការរងនៃអគ្គាធិការដ្ឋានពុទ្ធិក សិក្សាជាតិ ជាព្រះអនុប្រធាន និងជាអគ្គលេខាធិការ ថេរសភា នៃព្រះរាជាណាចក្រកម្ពុជា ដើម្បីបួង សួងសុំសេចក្តីសុខ សេចក្តីចំរើន ដល់ដំណើរការសាងសង់ស្តូបអនុស្សារីយ៍នយោបាយឈ្នះឈ្នះ នៅក្នុងខេត្តប៉ៃលិននេះឲ្យសំរេចបានលទ្ធផលល្អ។
ក្នុងសុន្ទរកថាស្វាគមន៍របស់ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន បាន លើកឡើងថា ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិត និងនយោបាយឈ្នះឈ្នះរបស់ សម្តេចតេជោ ហ៊ុន សែន បានធ្វើឲ្យប្រទេសជាតិទាំងមូល ទទួលបានសន្តិភាព និងស្ថេរភាពនៅ ទូទាំងប្រទេស ធ្វើឲ្យប្រជាពលរដ្ឋទំាងអស់ មានសេចក្តីត្រេកអរ ទទួលបានសេចក្តីសុខសប្បាយ និងមានឱកាសអភិវឌ្ឍន៍លើគ្រប់វិស័យ ហើយជាក់ស្តែង ក្រោមម្លប់សន្តិភាពនេះ បានធ្វើឲ្យខេត្តប៉ៃ លិន មានឱកាសអភិវឌ្ឍទាំងហេដ្ឋារចនាសម្ព័ន្ធរូបវ័ន្ត អរូបវ័ន្ត និងការវិនិយោគ គួរឲ្យកត់សម្គាល់។
លោកជំទាវ អភិបាលខេត្ត បានបញ្ជាក់ទៀតថា ជាមួយនឹងសមិទ្ធិផលដ៏ថ្លៃថ្លា ដែលខេត្តប៉ៃលិន ទទួលបានក្នុងពេលកន្លងមក ថ្ងៃនេះមន្ត្រីរាជការ កងកំលាំងប្រដាប់អាវុធ និងប្រជាពលរដ្ឋទាំង មូលទូទាំងខេត្តប៉ៃលិន មានសេចក្តីរំភើប សប្បាយរីករាយ និងពោពេញដោយមោទនៈភាពជា ទីបំផុត ដោយខេត្តនឹងទទួលបានសមិទ្ធិផលដ៏ថ្លៃថ្លា ជាប្រវត្តិសាស្ត្រ មិនអាចកាត់ថ្លៃបានមួយ បន្ថែមទៀត គឺស្តូបអនុស្សាវរីយ៍នយោបាយឈ្នះឈ្នះ នៅខេត្តប៉ៃលិន ដែលបាននឹងកំពុងរៀបចំពិធី បញ្ចុះបឋមសិលា ដើម្បីកសាងនាពេលនេះ ហើយសមិទ្ធិផលដ៏ថ្លៃថ្លានេះនឹងផ្តល់នូវកិត្តិយស និងមុខមាត់ថ្មី បន្ថែមទៀតលើទឹកដីខេត្តប៉ៃលិន។
បើតាមរបាយការណ៍របស់នាយឧត្តមសេនីយ៍ អ៊ី ឈាន រដ្ឋលេខាធិការក្រសួងការពារជាតិ និងជា ប្រធានអនុគណៈកម្មាធិការសាងសង់ស្តូបអនុស្សាវរីយ៍នយោបាយឈ្នះឈ្នះខេត្តប៉ៃលិន បានឲ្យ ដឹងថា យោងតាមអនុសាសន៏ ណែនាំផ្ទាល់ដ៏ខ្ពង់ខ្ពស់ របស់សម្តេចពិជ័យសេនា អនុគណៈកម្មាធិ ការសាងសង់ស្តូបអនុស្សាវរីយ៍ បានរៀបចំសេនារីយូក្រុមការងារ សម្រាប់សេនាធិការ ចំនួន៤ ក្រុម មាន ក្រុមការងារលេខាធិការដ្ឋាន ក្រុមការងារបច្ចេកទេស ក្រុមការងារខ្លឹមសារ និងក្រុមការងារធានា ហើយនៅក្នុងកិច្ចដំណើរការសាងសង់ស្តូបឈ្នះឈ្នះ ខេត្តប៉ៃលិន ដែលមានទីតាំងស្ថិតនៅក្នុងភូមិ ទឹកថ្លា សង្កាត់ប៉ៃលិន ក្រុងប៉ៃលិន ខេត្តប៉ៃលិន តាមដងផ្លូវវាងក្រុង ចម្ងាយប្រហែល ៥គីឡូម៉ែត្រ ពីទីរួមខេត្ត ដោយស្តូបមានទំហំបាតក្រោម ៥៩ម៉ែត្រ គុណនឹង ៥៩ម៉ែត្រ និងមានកំពស់ ៥០ម៉ែត្រចុច៩ សាងសង់លើផ្ទៃដីទំហ៊ំ ២៦០០០ម៉ែត្រការ៉េ ដែលជាអំណោយផ្ទាល់របស់លោកស្រី បាន ស្រីមុំ អភិបាលខេត្ត ចំនែកប្លង់ស្ថាបត្យកម្ម និងរចនាសម្ព័ន្ធសាងសង់ស្តូបឈ្នះឈ្នះ ខេត្តប៉ៃលិន បានបង្កើតឡើងតាមទម្រង់វិមានឈ្នះឈ្នះ នៅរាជធានីភ្នំពេញ ដែលមានទម្រង់ ៣សំខាន់ គឺ ៣- ៥- ៧- គឺ១-បង្ហាញពីគោលការណ៍ធានា ៣យ៉ាង នៃនយោបាយ ឈ្នះ ឈ្នះ ២-កត្តាទាំង៥ ចំណុច នៃយុទ្ធសាស្ត្រឌីហ្វីដ DIFID និង ៣-កត្តាទាំង៧ នៃជ័យជម្នះប្រកបដោយប្រសិទ្ធភាពខ្ពស់ របស់នយោបាយឈ្នះ ឈ្នះ។
ថ្លែងក្នុងពិធីបញ្ចុះបឋមសិលាបើកការដ្ឋានសាងសង់ ស្តូបអនុស្សារីយ៍នយោបាយឈ្នះ ឈ្នះ នៅក្នុង ខេត្តប៉ៃលិននាពេលនោះ សម្តេចពិជ័យសេនា ទៀ បាញ់ បានមានប្រសាសន៍ រំព្ញកឡើងវិញអំពីព្រឹត្តិ ការណ៍ជាក់ស្តែងមួយចំនួន ដែលកម្ពុជា បានជួបប្រទះក្នុងការឆ្លងកាត់ភ្នក់ភ្លើងសង្រ្គាម ដែលបង្ក ការឈឺចាប់ខ្លោចផ្សា មិនអាចថ្លែងបាន ចំពោះប្រជាជនកម្ពុជាទាំងមូល ហើយនៅបន្សល់ទុកនូវ ស្លាកស្នាមមិនទាន់រលុបអស់នៅឡើយមកដល់ពេលបច្ចុប្បន្ននេះ ដូច្នេះសមិទ្ធផលនៃនយោបាយ ឈ្នះ ឈ្នះ បាននាំមកនូវសន្តិភាពពេញលេញ ដែលជាកត្តាចម្បងសម្រាប់ជំរុញការអភិវឌ្ឍប្រទេស ជាតិ លើគ្រប់វិស័យ និងការធ្វើសមាហរណកម្មកម្ពុជា ទៅក្នុងកិច្ចការតំបន់ និងអន្តរជាតិដោយជោគ ជ័យ ហើយបានប្រែក្លាយជីវភាពរស់នៅរបស់ប្រជាជន ពីជីវភាពក្រីក្រមកជាប្រជាជនមានចំណូល កម្រិតមធ្យម។
សម្តេចពិជ័យសេនា បានមានប្រសាសន៍បញ្ជាក់បន្ថែមថា ហេដ្ឋារចនាសម្ព័ន្ធស្ថាបត្យកម្ម ដែលនឹង ត្រូវមាននៅ ស្តូបឈ្នះឈ្នះ ប៉ៃលិន ដែលបានសាងសង់នាពេលនេះ គឺអាចឱ្យគេយល់ដឹងកាន់តែ ច្បាស់អំពីវិមានឈ្នះឈ្នះនៅភ្នំពេញ ដែលជាស្ថាបត្យកម្មដំបូងបង្អស់ជាប្រវត្តិសាស្ត្រមាន លក្ខណៈ ជាសាធារណៈ និងវប្បធម៌ជាតិ ដូចនេះក្រុមការងារទទួលបន្ទុកការសាងសង់ស្តូបនេះ ត្រូវយកចិត្ត ទុកដាក់សាងសង់ឲ្យបានត្រឹមត្រូវ តាមលក្ខណៈបច្ចេកទេស ដើម្បីធានាបានទាំងគុណភាព និង ប្រសិទ្ធភាពសំណង់នេះឲ្យបានរឹងមាំ ស្ថិតស្ថេររាប់រយឆ្នាំ។
ក្នុងឱកាសនោះដែរ សម្តេចពិជ័យសេនា ទៀ បាញ់ ក៏បានប្រគល់ប័ណ្ឌសសើរ និងទទួលនូវថវិកា ជួយឧបត្ថមពីសប្បុរសជននានាដែលបានចូលរួមថវិកាជួយសាងសង់ស្តូបអនុស្សារីយ៍នយោបាយឈ្នះឈ្នះនេះ បន្ទាប់មក សម្តេចពិជ័យសេនា ព្រមទាំងគណៈអធិបតីទាំងអស់ បានអញ្ជើញចុច ប៊ូតុងបើកការដ្ឋានសាងសង់ ស្តូបអនុស្សារីយ៍នយោបាយឈ្នះឈ្នះ នៅក្នុងខេត្តប៉ៃលិន ចាប់ពីពេល នេះតទៅ៕
