(ភ្នំពេញ)៖ រដ្ឋបាលខណ្ឌដង្កោ បានប្រកាសឱ្យប្រជាពលរដ្ឋរស់ នៅក្នុងសង្កាត់ចំនួន១០ ប្រុង ប្រយ័ត្នចំពោះទឹកស្ទឹងព្រែកត្នោត បាននិងកំពុងបានហក់ឡើង ដល់កម្រិតកម្ពស់ត្រូវប្រុងប្រយ័ត្ន ខ្ពស់។ បើតាមសេចក្តីជូនដំណឹងរបស់រដ្ឋបាលខណ្ឌ ដែលទទួលនៅនៅថ្ងៃទី២៥ ខែតុលា ឆ្នាំ ២០២១នេះ បានបញ្ជាក់ថា ប្រជាពលរដ្ឋដែលរស់នៅជាប់សណ្តស្ទឹងព្រែកត្នោត ក្នុងនោះមាន សង្កាត់ចំនួន១០ នឹងរងផលប៉ះពាល់ដោយទឹកជំនន់នេះ ក្នុងនោះរួមមាន៖ សង្កាត់ដង្កោ សង្កាត់ ព្រៃស សង្កាត់ព្រៃវែង សង្កាត់ក្រាំងពង្រ សង្កាត់ស្ពានថ្ម សង្កាត់ទៀន សង្កាត់សាក់សំពៅ សង្កាត់ ជើងឯក សង្កាត់ព្រែកកំពឹស និងសង្កាត់គងនយ។
ជុំវិញស្ថានភាពបែបនេះ រដ្ឋបាលខណ្ឌដង្កោ បានអំពាវនាវដល់ប្រជាពលរដ្ឋ ដែលរស់នៅតាមសណ្ដ ស្ទឹងព្រែកត្នោត មេត្តាត្រៀមសម្ភារៈ និងបន្តតាមដានស្ថានភាពទឹកជាប្រចាំបាន ដើម្បីជៀសវាងនូវ ហានិភ័យដែលបង្កឱ្យខូចខាតទ្រព្យសម្បត្តិ និងអាយុជីវិត។
សូមជម្រាបថា បច្ចុប្បន្នស្ថានភាពទឹកស្ទឹងព្រែកត្នោត បានហក់ឡើងជាបន្តបន្ទាប់ បណ្តាលមកពី ជំនន់ផ្នែកខាងលើធ្វើឱ្យទឹកស្ទឹងព្រែកត្នោត ក្នុងភូមិសាស្ត្រខណ្ឌដង្កោ មានកម្ពស់ដល់កម្រិតត្រូវប្រុង ប្រយ័ត្នខ្ពស់៕
