ទឹកចិត្តមន្ត្រីក្រោមការដឹកនាំ ប្រកបដោយគតិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ទោះបីជាមមាញឹក ក្នុងការងារជាច្រើនយ៉ាងណាក្តី ប៉ុន្តែដើម្បីផ្តល់ភាពកក់ក្តៅដល់បង ប្អូនប្រជាពលរដ្ឋ ក្នុងនាមជាមន្ត្រីរបស់រាជរដ្ឋាភិបាល គឺមិនដែលគិតយប់ ឬថ្ងៃនោះទេ តែងតែ ខ្វល់ខ្វាយជានិច្ច ចំពោះសុខទុក្ខរបស់បងប្អូនប្រជាពលរដ្ឋ។
ជាក់ស្តែងនាថ្ងៃសុក្រ ៧កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៦ ខែកក្កដា ឆ្នាំ២០២១ លោក ប៉ាន់ខែម ប៊ុនថន នាយករងខុទ្ទកាល័យសម្តេចតេជោនាយករដ្ឋមន្ត្រី និងលោកអភិបាលខេត្តបន្ទាយមានជ័យ រួមដំណើរដោយលោក ប៉ាន់ ខែមវឌ្ឍនា សមាជិកក្រុម លេខាសម្តេចតេជោនាយករដ្ឋមន្ត្រី លោក លី សារី អភិបាលរងខេត្តបន្ទាយមានជ័យ លោកឧត្តម សេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិភាគទី៥ លោកឧត្តម សេនីយ៍ត្រី បោន ប៊ិន មេបញ្ចាការកងរាជអាវុធហត្ថខេត្តបន្ទាយមានជ័យ លោក យ៉ាង គឹមហ៊ុយ សប្បុរសជនចូលរួមអភិវឌ្ឍន៍ភូមិបឹងជង្រុកតេជោឈ្នះឈ្នះ និងមន្ត្រីពាក់ព័ន្ធនានា បានចុះពិនិត្យ ស្ថានភាពជំនន់ទឹកភ្លៀងជន់កាត់ផ្លូវ នៅចំណុចផ្លូវចូលតំបន់អភិវឌ្ឍន៍ភូមិបឹងជង្រុក តេជោឈ្នះឈ្នះ ស្ថិតក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
ការចុះពិនិត្យនេះ ដើម្បីធ្វើការវាយតំលៃអំពីស្ថានភាពទឹក និងកម្លាំងទឹកក្នុងរដូវភ្លៀងធ្លាក់ ដើម្បីរកវិធី សាស្ត្ររំដោះជំនន់ទឹកភ្លៀងនេះ កុំឱ្យជន់លិចលំនៅដ្ឋានប្រជាពលរដ្ឋ និងកុំឱ្យប៉ះពាល់ដល់ដំណើរ ការអភិវឌ្ឍន៍ភូមិបឹងជង្រុកតេជោឈ្នះឈ្នះ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន៕
