នាយករដ្ឋមន្ត្រីថៃលោកប្រាយុទ្ធ ចាន់អូចា បានវិលមកធ្វើការវិញនៅថ្ងៃសុក្រទី១៦កក្កដា ក្រោយការធ្វើតេស្តិ៍លើកទី៣បង្ហាញថាលោកអវិជ្ជមានកូវីដ១៩។
លោកប្រាយុទ្ធបានដាក់ខ្លួននៅដាច់ដោយឡែកពីគេក្រោយប៉ះពាល់អ្នកកើតកូវីដម្នាក់ក្នុងពេលចុះទៅបើកពិធីទទួលអ្នកទេសចរបរទេសដំបូងដែលចូលមកទស្សនាកោះភូកេត កាលពីថ្ងៃ១កក្កដា។
នៅថ្ងៃសុក្រនេះ ថៃបានរាយការណ៍អ្នកស្លាប់ដោយកូវីដ១៩ចំនួន៦៧នាក់ និងរកឃើញអ្នកឆ្លងថ្មីចំនួន ៩.៦៩២នាក់នៅ២៤ម៉ោងកន្លងទៅ។មន្ត្រីថៃបានអោយយដឹងថា ក្នុងចំណោមអ្នកឆ្លងជិត១ម៉ឺននាក់នេះ ៦១៥នាក់ជាអ្នកទោសក្នុងពន្ធនាគារ និង៩.០៧៧នាក់ជាប្រជាជនទូទៅ៕
