នៅព្រឹកថ្ងៃពុធ ទី៩ ខែមិថុនា ឆ្នាំ២០២១នេះ លោក សុខ ពេញវុធ អភិបាលខណ្ឌដូនពេញ បាន អញ្ជើញដឹកនាំមន្រ្ដីពាក់ព័ន្ធក្រោមឱវាទចុះពិនិត្យ និងសម្របសម្រួលកិច្ចដំណើរការចាក់វ៉ាក់ សាំង ការពារជំងឺកាចសាហាវកូវីដ១៩ ក្នុងមូលដ្ឋានខណ្ឌដូនពេញ ដែលចាប់ផ្តើមឡើងចាប់ពីថ្ងៃស្អែក។
អភិបាលខណ្ឌដូនពេញ បានឲ្យដឹងថា មណ្ឌលចាក់វ៉ាក់សាំងចំនួន ០៥រួមមាន៖ សាលាបឋមសិក្សាហាំងង៉ោ, សាលាបឋមសិក្សាអនុវត្ត, សាលាបឋមសិក្សា-អនុវិទ្យាល័យចតុមុខ, សាលាបឋមសិក្សាព្រះនរោត្តម និង វិទ្យាល័យ ប៊ុន រ៉ានី ហ៊ុនសែន វត្តភ្នំ ដើម្បីបងប្អូនប្រជាពលរដ្ឋ មកទទួលយកវ៉ាក់សាំងប្រកបដោយសុវត្ថិភាព។
រដ្ឋបាលខណ្ឌដូនពេញ បានអំពាវនាវដល់បងប្អូនប្រជាពលរដ្ឋដែលមានទីលំនៅក្នុងខណ្ឌដូនពេញ ដែលមិនទាន់បានទទួលការចាក់វ៉ាក់សាំងការពារជំងឺកូវីដ១៩ សូមអញ្ជើញមកចាក់វ៉ាក់សាំងតាមទី តាំងមណ្ឌលដែលរដ្ឋបាលខណ្ឌ និងក្រសួងសុខាភិបាលបានកំណត់ខាងលើ ជាពិសេសសូម បងប្អូន ប្រជាពលរដ្ឋ ដែលអញ្ជើញមកទទួលយកសេវាខាងលើ សូមប្រកាន់ភ្ជាប់វិធានការ សុខាភិបាល «៣កុំ ៣ការពារ» និងគោរពតាមការណែនាំរបស់គ្រូពេទ្យ និងក្រោយពេលបានចាក់វ៉ាក់សាំងផងដែរ ដើម្បីធានាបានថាបងប្អូនទទួលបានវ៉ាក់សាំងដែលមានប្រសិទ្ធភាព និងសុវត្ថិភាព៕
