ខេត្តព្រះសីហនុ៖ កងពលតូចថ្មើរជើងលេខ៣១ដែលបានចូលរួមដំណើរការបិទខ្ទប់ (តំបន់ក្រហម)នៅ ក្នុង ក្រុងព្រះសីហនុ ខេត្តព្រះសីហនុ ដែលមានឆ្លងរាលដាលធ្ងន់ធ្ងរជម្ងឺកូវីដ-១៩ បានដកត្រឡប់អង្គភាពវិញដោយមានពិធីជូនដំណើរពី ឯកឧត្តម អភិបាលខេត្តព្រះសីហនុនៅព្រឹកថ្ងៃទី១៤ខែឧសភាឆ្នាំ២០២១ បន្ទាប់ពីស្ថានភាពឆ្លងរាលដាលនៃជម្ងឺ កូវីដ -១៩បានថយចុះ និង តំបន់ក្រហមក្នុងខេត្តនេះត្រូវបាន បង្រួមឱ្យនៅទំហំតូចៗ តាម លំនៅដ្ឋានរួចមក។
ឯកឧត្តម គួច ចំរើន អភិបាលខេត្តព្រះសីហនុ ថ្លែងនៅក្នុងពិធីខាងលើថា ក្នុងដំណើរការ បិទខ្ទប់ (តំបន់ក្រហម) ក្រុងព្រះសីហនុ ដែលមានឆ្លងរាល ដាលធ្ងន់ ធ្ងរ ជំងឺកូវីដ-១៩ ពេល កន្លងមក កងកម្លាំងប្រដាប់អាវុធ មន្ត្រីរាជការរបស់យើង មានចំនួនមិនគ្រប់គ្រាន់សម្រាប់ បំពេញបេសកកម្មបិទខ្ទប់ក្រុងព្រះសីហនុ។ ដោយ មា នការគាំទ្រពីសម្ដេចតេជោ បានឱ្យកម្លាំ ង ខាងក្រៅគណៈបញ្ជាការឯកភាព ខេត្ត ដូចជា: កងកម្លាំងយោធភូមិ ភាគ៣ កងពលតូចថ្មើរជើងលេខ៣១ និងកម្លាំងកង ទ័ពជើងទឹកមូលដ្ឋានសមុទ្រ”រាម” បានមក ចូល រួមក្នុងកិច្ចប្រតិបត្តិការរយៈពេល ២១ថ្ងៃកន្លងមក។ ក្នុងនាមគណៈបញ្ជាការ ឯក ភាពខេត្តខ្ញុំសូមសម្ដែងការអរគុណ ចំពោះថ្នាក់ដឹកនាំកងកម្លាំងប្រដាប់អាវុធ គ្រប់លំ ដាប់ថ្នាក់ ព្រមទាំងមេបញ្ជាការ មេបញ្ជាការរង នាយទាហាន និងពលទាហានទាំងអស់ ដែលបានចូលរួមកន្លងមក ដើម្បីប្រយុទ្ធប្រឆាំងជំងឺឆ្លងដ៏កាចសាហាវកូវីដ-១៩ នៅក្រុងព្រះសីហនុ ។
ឯកឧត្តម អភិបាលខេត្តបញ្ជាក់ថាពេលនេះជំងឺនេះយើងមិនអាចគ្រប់គ្រងបានទាំងស្រុងនោះទេ ប៉ុន្តែលទ្ធផលដែលបានខិតខំធ្វើការបិទខ្ទប់តំបន់ក្រហម ដែលជាតំបន់មានការឆ្លងរាល ដាលច្រើន ប្រជាពលរដ្ឋបានទៅយកសំណាក ចប់សព្វគ្រប់កាលពីថ្ងៃទី១៣ ខែឧសភា ឆ្នាំ២០២១ ។ នៅខេត្តព្រះសីហនុ មាន អ្នកជម្ងឺ កូវីដ-១៩ ចំនួន២.៥៧១ នាក់បានព្យាបាល ជាសះស្បើយ ចំនួន ១.៥៥៣នាក់ ហើយ។ យើងនៅតែបន្តការគ្រប់គ្រងតាមទីសំណាក់ ឬផ្ទះ ដែលមានវិជ្ជមានកូវីដ បន្តទៀតដោយសំដៅលើក្រុមគ្រួសារណាដែលមានវិជ្ជមាន កូវីដ-១៩ ក្នុងនោះក៏ បានធ្វើការផ្សព្វផ្សាយ អប់រំ ការណែនាំការពិន័យអន្តរការណ៍ឱ្យ ប្រជាពលរដ្ឋ ចូលរួមអនុវត្តវិធានសុខាភិបាល និងការណែនាំ៣.ការពារ និង ៣.កុំ របស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា ធ្វើឱ្យការយកសំណាកជុំទី២ មាន ការថយចុះ ។
ក្រោយពិនិត្យឃើញការឆ្លងរាលដាលជម្ងឺកូវីដ-១៩មានការថយចុះអភិបា ល ខេត្ត បញ្ជាក់ថា គណៈ បញ្ជាការឯកភាពខេត្តបានស្នើសុំទៅសម្តេចតេជោសុំរំ សាយកង អន្តរាគមន៍កងពលតូចថ្មើរជើងលេខ៣១ បណ្តោះ អាសន្ន សូមបង ប្អូនត្រឡប់ទៅ អង្គភាពដើមវិញ ដោយត្រូវធ្វើចត្តាឡីស័ក ១៤ថ្ងៃនៅអង្គភាព ប្រសិន មានករណីចាំបាច់ គណ: បញ្ជាការឯកភាពរដ្ឋបាលខេត្ត នឹងស្នើសុំ ជាថ្មីម្តងទៀត ។ ក្នុងនាមគណៈបញ្ជាការ ឯកភាពរដ្ឋបាលខេត្តសូម ថ្លែងអំណរគុណចំពោះមេ បញ្ជាការ បញ្ជាការរង និងអគុណ ក្រុមគ្រួសារនៃកងកម្លាំងប្រដាប់អាវុធទាំងអស់ ដែលបាន ចូលរួមនៅទីនេះជាង ២០០នាក់ ទទួលបានសុខភាពល្អ ជោគជ័យ ក្នុង ក្រុមគ្រួសារ និងឈ្នះជំងឺកូវីដ-១៩ ទាំងអស់គ្នា៕ ដោយមនោរាហ៍
