សហរដ្ឋអាមេរិក ប្រកាសដាក់ទណ្ឌកម្ម ដោយមានគោលដៅលើកម្មវិធីអាវុធប្រល័យលោក របស់ កូរ៉េខាងជើង

 (វ៉ាស៊ីនតោន)៖  យោងតាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី២៨ ខែឧសភា ឆ្នាំ២០២២ បញ្ជាក់ថា សហរដ្ឋអាមេរិក នៅថ្ងៃសុក្រសប្តាហ៍នេះ បានប្រកាសដាក់ចេញ នូវទណ្ឌកម្ម លើ ធនាគាររុស្ស៉ីចំនួន២ រួមទាំងក្រុមហ៊ុនកូរ៉េខាងជើង និងបុគ្គលម្នាក់ដែលអាមេរិក ចោទថាបានគាំទ្រ កម្មវិធីអាវុធប្រល័យលោករបស់កូរ៉េខាងជើង ដើម្បីបង្កើនសំពាធលើទីក្រងព្យុង យ៉ាងជុំវិញការធ្វើ តេស្ដ មីស៊ីលផ្លោងនាពេលថ្មីៗនេះ។

បើតាមសេចក្តីថ្លែងការណរណ៍, ក្រសួងហិរញ្ញវត្ថុអាមេរិក បានកំណត់គោលដៅលើក្រុមហ៊ុន អ៊ែរ ក័រយ៉ូ ត្រេតឌីង ខប (Air Koryo Trading Corp) ក៏ដូចជាស្ថាប័នហិរញ្ញវត្ថុរបស់រុស្ស៉ីចំនួន២ គឺ ធនាគារ ហ្វា អ៉ឺសស្ទើន (Far Eastern) និងធនាគារ ស្ពធនីក (Sputnik) សម្រាប់ការរួមចំណែក ដល់លទ្ធកម្ម និងការបង្កើតប្រាក់ចំណូលដល់រដ្ឋាភិបាលកូរ៉េខាងជើង។ ជាមួយគ្នានោះដែរ ទីក្រុង វ៉ាស៊ីនតោនក៏បានកំណត់ទណ្ឌកម្មលើបុគ្គលម្នាក់ឈ្មោះ ជុង យុងណាម (Jong Yong Nam) ដែលជាអ្នកតំណាងអង្គភាពមួយចំណុះឱ្យបណ្ឌិសភាវិទ្យាសាស្រ្តកូរ៉េខាងជើង មានមូលដ្ឋាននៅក្នុង ប្រទេសបេឡារុស ក្រោមហេតុផលថាស្ថាប័ននេះគាំទ្រដល់អង្គភាពជាច្រើនក្នុងប្រទេសកូរ៉េខាងជើង ដែលមានទំនាក់ទំនងនឹងការអភិវឌ្ឍន៍មីស៊ីលផ្លោង។

អនុរដ្ឋលេខាធិការទទួលបន្ទុកផ្នែកស៊ើបការណ៍ភេរវកម្ម និងហិរញ្ញវត្ថុ លោក ប្រាយអេន ណេលសុន (Brian Nelson) បាននិយាយនៅក្នុងសេចក្តីថ្លែងការណ៍ថា «សហរដ្ឋអាមេរិកនឹងបន្តអនុវត្តទណ្ឌកម្ម ដែលមានស្រាប់ ព្រមជាមួយនឹងការជំរុញឱ្យកូរ៉េខាងជើង ត្រឡប់មករកផ្លូវការទូតវិញ ហើយបោះ បង់ចោលការគំនិតផលិតអាវុធប្រល័យលោក និងមីស៊ីលផ្លោង»៕