ថៃ មានមនុស្ស ៩,៧៤២នាក់ឆ្លងកូវីដ-១៩ និងអ្នកជំងឺ ៧៤នាក់ទៀតស្លាប់ ក្នុងរបាយការណ៍ ថ្ងៃសៅរ៍នេះ

 (បាងកក)៖ យោងតាមការចេញផ្សាយដោយសារព័ត៌មានថៃ Bangkok Post បានអោយដឹងថា

ក្រសួងសុខាភិបាលថៃ នៅថ្ងៃសៅរ៍ ទី២៣ ខែតុលា ឆ្នាំ២០២១នេះ បានរាយការណ៍ពីការរក ឃើញករណីឆ្លងជំងឺ COVID-19 ថ្មីៗចំនួន ៩,៩,៧៤២ករណីបន្ថែមទៀត ក្នុងរយៈពេល ២៤ម៉ោង ចុងក្រោយនេះ។ ក្រៅពីការរកឃើញករណីឆ្លងថ្មីៗខាងលើនេះ អ្នកជំងឺចំនួន ៧៤នាក់បន្ថែមទៀត ក៏ត្រូវបានរាយការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា។ ដោយឡែកអ្នកជំងឺចំនួន ១០,១៨២នាក់ផ្សេងទៀត ទើបតែត្រូវបានអនុញ្ញាតឱ្យចាកចេញពីមន្ទីរ ពេទ្យ ក្រោយជាសះស្បើយ។

សូមជម្រាបថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន ១,៨៤១,១៣១ករណី ក្នុងនោះមានអ្នកស្លាប់ ១៨,៦៩៩នាក់ និងអ្នកជាសះស្បើយឡើងវិញ ១,៧២០,៦២៩នាក់។ គិតត្រឹមពេលនេះ ថៃបានចាក់វ៉ាក់សាំង បង្ការជំងឺ COVID-19 សរុប ៦៩.១៥លានដូស ក្នុងនោះប្រជាជន ២៧.៧លាននាក់ (៣៩.៦១% នៃចំនួនប្រជាជនសរុប) បានទទួលការចាក់គ្រប់ដូស៕