(កំពង់ឆ្នាំង)៖ ក្រុមអ្នកវិនិយោគចិន បាននឹងកំពុងសិក្សាឱកាសវិនិយោគ ក្នុងវិស័យកសិកម្ម តាម រយៈការបង្កើតរោងចក្រកែច្នៃត្រី នៅក្នុងខេត្តកំពង់ឆ្នាំង ដែលអាចចូលរួមចំណែកដោះស្រាយ បញ្ហា តម្លៃ និងការកក់ស្ទះត្រីនៅក្នុងស្រះ។ នេះបើតាមការឱ្យដឹងពីឯកឧត្តម កៅ ថាច ប្រតិភូរាជរដ្ឋា ភិបាលទទួលបន្ទុក ជាអគ្គនាយកធនាគារអភិវឌ្ឍន៍ជនបទ និងកសិកម្ម។
នាថ្ងៃទី១៤ ខែតុលា ឆ្នាំ២០២១ ឯកឧត្តម កៅ ថាច បានជួបសំណេះសំណាល និងពិភាក្សាការងារ ជាមួយ ឯកឧត្តម ស៊ុន សុវណ្ណារិទ្ធ អភិបាលខេត្តកំពង់ឆ្នាំង និងឯកឧត្តម ឡុង ឈុនឡៃ ប្រធានក្រុម ប្រឹក្សាខេត្ត ពិភាក្សាផ្តោតសំខាន់ទៅលើកិច្ចសហការសិក្សា លើគម្រោងអភិវឌ្ឍន៍ទំនើបកម្មវិស័យក សិកម្ម រវាងធនាគារអភិវឌ្ឍន៍ជនបទ និងកសិកម្ម និង រដ្ឋបាលខេត្តកំពង់ឆ្នាំង។
ក្នុងកិច្ចពិភាក្សានេះ ក្រុមអ្នកវិនិយោគជនជាតិចិនបានចូលរួម ហើយពួកគេបានបង្ហាញបំណង ក្នុងការសិក្សាឱកាសវិនិយោគ ក្នុងវិស័យកសិកម្ម នៅក្នុងខេត្តកំពង់ឆ្នាំង។
ថ្លែងប្រាប់តាមទូរស័ព្ទនៅថ្ងៃទី១៥ ខែតុលា ឆ្នាំ២០១២១នេះ ឯកឧត្តម កៅ ថាច បានឱ្យដឹងថា អ្នក វិនិយោគចិន បានចាប់អារម្មណ៍ទៅលើវិស័យចិញ្ចឹមត្រី និងបង្កើតរោងចក្រកែច្នៃត្រី នៅខេត្តកំពង់ ឆ្នាំង សម្រាប់បំពេញតម្រូវការក្នុងស្រុក និងនាំចេញផងដែរ។
ឯកឧត្តម បន្ថែមថា ក្រុមវិនិតយោគគិនចិន សម្លឹងឱកាសវិនិយោគនៅខេត្តកំពង់ឆ្នាំង ដោយសារខេត្ត នេះសម្បូរត្រី និងជាខេត្តជាប់ទន្លេសាប ដែលងាយស្រួលការចិញ្ចឹមត្រី។
ឯកឧត្តម សង្ឃឹមថា វត្តមានរោងចក្រកែច្នៃត្រីនៅខេត្តកំពង់ឆ្នាំង ដែលចិនកំពុងសិក្សាក្នុងការបង្កើត នេះ នឹងជួយដល់វិស័យចិញ្ចឹមត្រីនៅកម្ពុជា ជាពិសេសជួយទីផ្សារ និងតម្លៃត្រីរបស់កសិករ។
ឯកឧត្តម បញ្ជាក់ថា «គាត់គ្រោងបោះទុន ទៅធ្វើរោងចក្រកែច្នៃត្រី ហើយគាត់ភ្ជាប់ជាមួយកសិករ ចិញ្ចឹមត្រីនៅតំបន់។ គាត់ក៏មានរោងចក្រផលិតចំណីត្រី ចំណីសត្វនៅតំបន់សេដ្ឋកិច្ចពិសេសភ្នំពេញ ដែរ គាត់ចង់វិនិយោគបន្ថែមទៅលើកែច្នៃត្រី។ សង្ឃឹមថា វាអាចជួយសម្រួលរឿងតម្លៃត្រី ព្រោះជា ធម្មតាទេ រោងចក្រកែច្នៃជាទីផ្សារសម្រាប់លក់ត្រីស្រស់ សង្ឃឹមថា មានរោងចក្រកែច្នៃច្រើន ទៅបញ្ហា ត្រីនៅយើងដោះបានច្រើន»។
បន្ទាប់ពីជំនួបពិភាក្សាជាមួយរដ្ឋបាលខេត្តកំពង់ឆ្នាំ ឯកឧត្តម កៅ ថាច រួមជាមួយអភិបាលខេត្ត និងក្រុមអ្នកវិនិយោគ បានបន្តដំណើរចុះទស្សនកិច្ចទីតាំងគម្រោងចញ្ចឹមគោមួយកន្លែង ដែលស្ថិត ក្នុងស្រុកទឹកផុស ខេត្តកំពង់ឆ្នាំង លើផ្ទៃដីប្រមាណ២០០ហិកតា ដែលជំហ៊ានដំបូងវិនិយោគជិត ប្រាក់១លានដុល្លារ ដើម្បីចិញ្ចឹមគោយកសាច់៕
