ប្រទេសរុស្ស៊ី បន្តបំបែកកំណត់ត្រាថ្មី ជាមួយការរកឃើញអ្នកឆ្លងកូវីដ១៩ ថ្មីៗ ច្រើនបំផុតមិនធ្លាប់ មានក្នុងមួយថ្ងៃ

 (ម៉ូស្គូ)៖  យោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃព្រហស្បតិ៍ ទី១៤ ខែតុលា ឆ្នាំ២០២១ បានអោយដឹងថា អាជ្ញាធររុស្ស៉ីបានបញ្ជាក់នៅថ្ងៃព្រហស្បតិ៍នេះ ពីការរកឃើញ នូវករណីឆ្លងថ្មី នៃជំងឺកូវីដ ១៩ ចំនួន ៣១,២៩៩នាក់ក្នុងរយៈពេល ២៤ ម៉ោងចុងក្រោយ ដែលជា​តួលេខឆ្លងប្រចាំថ្ងៃខ្ពស់ បំផុតប្រចាំឆ្នាំនេះ ដែលនាំឱ្យចំនួនសរុបទូទាំងប្រទេសកើនឡើងដល់ ៧,៨៩២,៩៨០ករណី។

ក្នុងថ្ងៃជាមួយគ្នានេះ រុស្ស៊ីក៏បានរកឃើញអ្នកស្លាប់ដោយសារជំងឺដ៏កាចសាហាវនេះចំនួន ៩៨៦ នាក់ទៀតផងដែរ ដែលនាំចំនួនអ្នកស្លាប់សរុបកើនដល់ ២២០,៣១៥នាក់។ ដោយឡែកចំនួនអ្នកជាសះស្បើយថ្មីមានចំនួន ២១,៦៧០នាក់ នៃចំនួនសរុប ៦,៩៣៧,៧៥៦ នាក់៕