យោងតាមកាសែតបាងកកប៉ុស្តិ៍របស់ថៃ ជនជាតិកម្ពុជាប្រមាណ២០០នាក់បានវិលមកស្រុកឆ្លងតាមខេត្តស៊ូរិន្ទភាគឦសាន ក្រោយពីរដ្ឋាភិបាលសមរេចបិទជំរំកម្មករសំណង់ទាំងអស់នៅមហាតំបន់បាងកក និងខេត្តភាគខាងត្បូងចំនួន៤រយៈពេល៣០ថ្ងៃដើម្បីដោះស្រាយការផ្ទុះកូវីដ១៩នៅរលកថ្មី។
មន្ត្រីអន្តោប្រវេសន៍ម្នាក់នៅស្រុកកាប់ឆឺង បាននិយាយថាចំនួនជនកម្ពុជាវិលទៅស្រុកបានកើនឡើងខ្លាំងបន្ទាប់ពីរដ្ឋាភិបាលចេញបញ្ជាបិទជំរំ។ ពួកគេភាគច្រើនបំរើការក្នុងវិស័យសំណង់និងមួយចំនួនធំត្រូវនិយោជកបញ្ឈប់ពីការងារ។
មន្ត្រីរូបនេះបានបន្ថែមថា អ្នកវិលត្រឡប់ត្រូវបានសម្ភាសន៍និងពិនិត្យរកកូវីដ១៩មុនត្រូវកម្លាំងសមត្ថកិច្ចអមដំណើរដើម្បីធានាថាពួកគេមិនគេចចេញពីផ្លូវចាកចេញដែលត្រូវបានកំណត់ទុក។
ខេត្តស៊ូរិន្ទ កាលពីថ្ងៃអាទិត្យបានរកឃើញអ្នកឆ្លងកូវីដ១៩ថ្មីចំនួន១៤នាក់ ខណៈមួយប្រទេសកាលពីម្សិលមិញឆ្លងជិត៤ពាន់នាក់ និងស្លាប់ដោយកូវីដ១៩ជាង៤០នាក់៕
