យោងតាមតាមការចេញផ្សាយដោយទីភ្នាក់ងារសារព័ត៌មាន Viet Nam News នៅយប់ថ្ងៃពុធ ទី១៦ ខែមិថុនា ឆ្នាំ២០២១ម្សិលមិញនេះ ក្រសួងសុខាភិបាលប្រទេសវៀតណាមនៅថ្ងៃពុធនេះ បានប្រកាសរកឃើញករណីឆ្លងថ្មីនៃជំងឺកូវីដ១៩ ចំនួន៤២៣ករណីបន្ថែមទៀត ក្នុងនោះ០៩ករណី ជាករណីនាំចូល និង ៤១៤នាក់ទៀតជាករណីសហគមន៍។
នេះជាចំនួនករណីឆ្លងថ្មីប្រចាំថ្ងៃច្រើនបំផុតទី២ ដែលត្រូវបានរាយការណ៍ចាប់តាំងពីថ្ងៃទី២៥ ខែ ឧសភាកន្លងទៅ ដែលប្រទេសនេះបានរកឃើញករណីឆ្លងថ្មីរហូតដល់ ៤៤៤ករណីក្នុងមួយថ្ងៃ។
ក្នុងចំណោមករណីសហគមន៍នៅថ្ងៃពុធនេះ ខេត្ត Bac Giang នៅតែជាចំណុចក្តៅ នៃការផ្ទុះរីក រាលដាលកូវីដ១៩ នៅក្នុងប្រទេសវៀតណាមនាពេលបច្ចុប្បន្ន ជាមួយនឹងការរកឃើញករណីឆ្លងថ្មី ចំនួន ២៧៩ករណី។ ដោយឡែកនៅទីក្រុងហូជីមីញបន្តរកឃើញករណីឆ្លងសហគមន៍ថ្មីចំនួន៩៩ករណីបន្ថែមទៀត។
ចំណែកនៅខេត្ត Bắc Ninh បានរកឃើញ២៧ករណី, ខេត្តBình Dương មាន១២ករណី និងនៅ ខេត្ត Hà Tĩnh មាន០៤ករណី ក្រៅពីនោះនៅតាមបណ្តាខេត្តផ្សេងៗទៀត។
សរុបមកវិញ គិតត្រឹមថ្ងៃពុធនេះ វៀតណាមមានករណីឆ្លងកូវីដ-១៩ សរុបនៅទូទាំងប្រទេសកើន ដល់ចំនួន ១១,៦៣៥នាក់ ក្នុងនោះស្លាប់ ៦១នាក់ និងជាសះស្បើយ ៤,៥៩០នាក់៕
