មនុស្សចំនួន១២នាក់ត្រូវបានស្លាប់នៅពេលដែលយន្តហោះយោធាមីយ៉ាន់ម៉ាដែលដឹកលោកសង្ឃជាន់ខ្ពស់មួយអង្គនិងអ្នកបរិច្ចាគប្រាក់ជាច្រើននាក់ទៅចូលរួមពិធីសាសនាមួយបានធ្លាក់នៅតំបន់កណ្តាលប្រទេសកាលពីថ្ងៃព្រហស្បតិ៍ នេះបើតាមការអះអាងពីអ្នកនាំពាក្យរបបយោធា។
ដោយបន្ទោសអាកាសធាតុ អ្នកនាំពាក្យលោក ហ្សរ មីន ទុន បាននិយាយនៅក្នុងសេចក្តីថ្លែងការណ៍មួយថា យន្តហោះដែលដឹកសមាជិកនាវិក៦នាក់និងអ្នកដំណើរ៨នាក់ បានធ្លាក់នៅមុនពេលវាត្រូវចុះនៅទីក្រុង ប៉ាយអ៊ីន អ៊ូ ល្វីន តែបន្តិច។
ក្រុមជួយសង្គ្រោះបានសង្គ្រោះក្មេងប្រុសម្នាក់និងទាហានជាសមាជិកនាវិកម្នាក់ ហើយបញ្ជូនពួកគេទៅកាន់មន្ទីរពេទ្យ។
រូបភាពផ្សាយក្នុងសារព័ត៌មានក្នុងស្រុកបានបង្ហាញកំទេចកម្ទីនៅរាយប៉ាយជុំវិញខ្មោចយន្តហោះជាមួយនឹងផ្សែងហុយតិចៗផង ៕
