ដូចប្រជាពលរដ្ឋកម្ពុជាគ្រប់រូបសុទ្ធតែបានដឹងហើយថា ប្រាសាទអង្គរវត្តក៏ដូចជារមណីយដ្ឋានអង្គរទាំងមូលរបស់កម្ពុជាយើងគឺទទួលបានភាពល្បីល្បាញយ៉ាងខ្លាំងទូទាំងសកលលោក ដោយមិនត្រឹមតែបានទាក់ទាញភ្ញៀវទេសចរទូទៅប៉ុណ្ណោះទេ គោលដៅទេសចរណ៍នៅប្រទេសកម្ពុជាមួយនេះ ក៏បានអន្ទងចិត្តបុគ្គលល្បីៗនៅជុំវិញពិភពលោកឱ្យមកទស្សនាជាបន្តបន្ទាប់ផងដែរ។
បើយោងតាមប្រភពពីក្រសួងទេសចរណ៍ដែលបង្ហាញឈ្មោះបុគ្គលល្បីៗលើពិភពលោក ដែលបានមកទស្សនាប្រាសាទអង្គរវត្ត និងតំបន់អង្គរមានចំនួ៣៥រូប គឺ៖
១៖ តាសាក់ឡូ ឬ ឆាលី ឆាព្លីន (Charlie Chaplin) តារាកំប្លែងអង់គ្លេសដ៏ល្បីល្បាញ នាសតវត្សទី២០ បានមកទស្សនានៅអំលុងឆ្នាំ១៩៣៦។
២៖ លោកស្រី ចាកខ្វលីន ខេណ្ឌី (Jacqueline Kennedy) អតីតស្ត្រីទីមួយរបស់ សហរដ្ឋអាមេរិកដោយលោកស្រីគឺជាភរិយារបស់ប្រធានាធិបតីសហរដ្ឋ អាមេរិកទី៣៥ លោក ចន អេហ្វ ខេណ្ឌី (John F. Kennedy)។ លោកស្រីធ្លាប់បាន មកទស្សនាអង្គរកាលពីឆ្នាំ១៩៦៧ ក្នុងពេលមកបំពេញទស្សនកិច្ចនៅប្រទេសកម្ពុជា តាមការអញ្ជើញរបស់សម្ដេច នរោត្តម សីហនុ ព្រះប្រមុខរដ្ឋសង្គមរាស្ត្រនិយម។
៣៖ លោកស្រី អេនជេលីណា ជូលី (Angelina Jolie) តារាសម្តែង និងជាអ្នកផលិត ខ្សែភាពយន្តអាមេរិក។ លោកស្រីធ្លាប់បានមកប្រទេសកម្ពុជាក៏ដូចជាបានចូល ទស្សនាប្រាសាទអង្គរវត្ត និងតំបន់រមណីយដ្ឋានអង្គរទាំងមូលច្រើនលើកដែរ ប៉ុន្តែពេលដែលលោកស្រីមកទស្សនាអង្គរដំបូងបង្អស់នោះ គឺនៅអំឡុងឆ្នាំ២០០០។
៤៖ ព្រះមហាក្សត្រជប៉ុន ព្រះចៅអាគីហ្ស៉ីណូ (Prince Akishino) និងព្រះអគ្គមហេសី បានយាងមកទតទស្សនានៅអំឡុងឆ្នាំ២០០១។
៥៖ លោក រ៉ូ មូយុន (Roh Moo-hyun) អតីតប្រធានាធិបតីកូរ៉េខាងត្បូង និងភរិយា បានមកទស្សនានៅអំឡុងឆ្នាំ២០០៦។
៦៖ លោក ប៊ីល គ្លីនតុន (Bill Clinton) អតីតប្រធានាធិបតីសហរដ្ឋអាមេរិកទី៤២ បានមកទស្សនានៅអំឡុងឆ្នាំ២០០៦។
៧៖ លោក ម៉ាក ហ្សាក់ខឺរបឺហ្គ (Mark Zuckerberg) នាយកប្រតិបត្តិក្រុមហ៊ុន Facebook និងភរិយា បានមកទស្សនានៅអំឡុងឆ្នាំ២០០៧។
៨៖ លោក ជុង ជីហ៊ុន ហៅ រ៉េន (Jeong Ji-hoon) តារាចម្រៀងកូរ៉េខាងត្បូង បានមកទស្សនានៅអំលុងឆ្នាំ២០០៨។
៩៖ លោក លី ម្យុងបាក់ (Lee Myung-bak) អតីតប្រធានាធិបតីកូរ៉េខាងត្បូង បានមកទស្សនានៅអំលុងឆ្នាំ២០០៩។
១០៖ លោក ថាក់ស៉ីន ស៉ីនណាវ៉ាត់ត្រា (Thaksin Shinawatra) អតីតនាយករដ្ឋមន្ត្រី ថៃ បានមកទស្សនានៅអំឡុងឆ្នាំ២០០៩។
១១៖ លោកស្រី ហ៉ីលឡារី គ្លីនតុន (Hillary Clinton) អតីតស្ត្រីទីមួយរបស់សហរដ្ឋ អាមេរិក បានមកទស្សនារមណីយដ្ឋានអង្គរនៅអំឡុងឆ្នាំ២០១០។ លោកស្រីគឺជា ភរិយារបស់លោក ប៊ីល គ្លីនតុន និងធ្លាប់ជាបេក្ខភាពប្រធានាធិបតី ដែលបានឈរ ឈ្មោះប្រកួតប្រជែងជាមួយលោក ដូណាល់ ត្រាំ (Donald Trump)ក្នុងការបោះឆ្នោត ជ្រើសរើសប្រធានាធិបតីសហរដ្ឋអាមេរិក។
១២៖ ក្រុមតារាចម្រៀង SHINee នៃប្រទេសកូរ៉េខាងត្បូងបានមកទស្សនានៅអំឡុង ឆ្នាំ២០១០។
១៣៖ លោកស្រី ម៉ារីយ៉ាន រីវេរ៉ា (Marian Rivera) និងស្វាមីរបស់នាង គឺលោក ដាន់តេស (Dingdong Dantes) ដែលជាតារាងសម្តែងហ្វីលីពីនកាត់អេស្ប៉ាញ បានមកទស្សនានៅអំឡុងឆ្នាំ២០១២។
១៤៖ លោក ហ៊ូ ជីនតាវ (Hu Jintao) អតីតប្រធានាធិបតីចិនបានមកទស្សនានៅ អំឡុងឆ្នាំ២០១២។
១៥៖ ព្រះមហាក្សត្រជប៉ុន ព្រះចៅណារ៉ូហ៉ីតុ (Prince Naruhito) បានយាងមកទត ទស្សនានៅអំឡុងឆ្នាំ២០១២។
១៦៖ លី ប៊ូមស៊ូ (Lee Bum Soo) និងលោក អ៉ីម ស៊ូយ៉ាង (Im Soo Hyang) និងសមាជិកក្រុមសម្តែង «Iris2» របស់កូរ៉េខាងត្បូងបានមកទស្សនានៅអំឡុង ឆ្នាំ២០១២។
១៧៖ តារាសម្តែង ជីនណេត អ (Jeanette Aw) តារាសម្តែងសិង្ហបុរីបានមកទស្សនា នៅអំឡុងឆ្នាំ២០១៤។
១៨៖ លោកស្រី ប៊ីយ៉នសេ (Beyonce) តារាចម្រៀងអាមេរិកបានមកទស្សនា នៅអំឡុង ឆ្នាំ២០១៥។
១៩៖ លោកស្រី មីស្សែល អូបាម៉ា (Michelle Obama) អតីតស្ត្រីទីមួយរបស់ សហរដ្ឋអាមេរិក ដោយលោកស្រីគឺជាភរិយារបស់ប្រធានាធិបតីអាមេរិកទី៤៤ លោក បារ៉ាក់ អូបាម៉ា (Barack Obama) បានមកទស្សនានៅអំឡុងឆ្នាំ២០១៥។
២០៖ លោក ដេវីដ បេកខេម (David Beckham) អតីតតារាបាល់ទាត់អង់គ្លេស បានមកទស្សនានៅអំឡុងឆ្នាំ២០១៥។
២១៖ លោក មហាម៉ាដ ហាមីដ អាន់សារី (Mohammad Hamid Ansari) អតីតអនុ ប្រធានាធិបតីឥណ្ឌា និងភរិយា បានមកទស្សនានៅអំឡុងឆ្នាំ២០១៥។
២២៖ លោក ឌីមីទ្រី ម៉េដវេដេវ (Dmitry Medvedev) អតីតនាយករដ្ឋមន្ត្រីសហព័ន្ធ រុស្ស៉ី បានមកទស្សនានៅអំឡុងឆ្នាំ២០១៥។
២៣៖ អ្នកនាង យ៉ាយ៉ា យូរ៉ាសសាយ៉ា (Yaya Urassaya) តារាសម្តែងថៃ បានមកទស្សនានៅអំឡុងឆ្នាំ២០១៥។
២៤៖ លោកស្រី អ៉ីវ៉ា ឡុងហ្កូរីយ៉ា បូស្តូន (Eva Longoria Bostón) តារាសម្តែង អាមេរិក បានមកទស្សនានៅអំឡុងឆ្នាំ២០១៦។
២៥៖ លោក ដកឡាស ប៊ូត (Douglas Booth) តារាសម្តែងអង់គ្លេសបានមកទស្សនា នៅអំឡុងឆ្នាំ២០១៦។
២៦៖ អេលវីន (Elvin Ng), ផេក ជូ (Paige Chua), ហ្សូអ៉ី ថាយ ថេន (Zoe Tay 10), និង រ៉ូមេអូ ថាន (Romeo Tan) តារាសម្តែងសិង្ហបុរី បានមកទស្សនានៅអំឡុង ឆ្នាំ២០១៦។
២៧៖ លោក នីស្តែលរ៉ូយ (Ruud van Nistelrooy) តារាបាល់ទាត់ហូឡង់ បានមកទស្សនានៅអំឡុងឆ្នាំ២០១៨។
២៨៖ លោក អេដ ហ្ស៉ីរ៉ន (Ed Sheeran) តារាចម្រៀងអង់គ្លេស បានមកទស្សនា នៅអំឡុងឆ្នាំ២០១៩។
២៩៖ លោក ជេក ម៉ា (Jack Ma) មហាសេដ្ឋីចិនបានមកទស្សនានៅអំឡុង ឆ្នាំ២០១៩៕
៣០៖ លោកស្រី អង់សាន ស៊ូជី អតីតទីប្រឹក្សារដ្ឋមីយ៉ាន់ម៉ា បានមកទស្សនានៅអំលុងឆ្នាំ២០១៩។
៣១៖ លោក មូន ចេអ៉ីន (Moon Jae-in) ប្រធានាធិបតីកូរ៉េខាងត្បូងបច្ចុប្បន្ន បានមកទស្សនានៅអំលុងឆ្នាំ២០២០។
៣២៖ លោក អ៉ី រ៉ុងហ្គ័ង (Yu Rongguang) តារាភាពយន្តហុងកុងដែលសម្ដែងជាតួអង្គមេទ័ព គួន អ៉ីឆាង ក្នុងរឿងសាមកុក ក៏បានមកទស្សនារមណីយដ្ឋានអង្គរនៅអំលុងឆ្នាំ២០១៧ ដែរ។
៣៣៖ តារាក្បាច់គុនខ្មែរសុរិន្ទនៅថៃ លោក តូនី ចា (Tony Jaa) បានមកទស្សនានៅអំលុងឆ្នាំ២០១៩។
៣៤៖ លោក PSY តារាចម្រៀងកូរ៉េខាងត្បូង (កំណត់កាលបរិច្ឆេទមិនបាន) ដោយឃើញតែរូបភាព។
៣៥៖ លោក អេរិក ត្សាង (Eric Tsang) តារាកំប្លែងហុងកុង (កំណត់កាលបរិច្ឆេទមិនបាន)។
ក្រៅពីបុគ្គលដែលបានរៀបរាប់ខាងលើនេះហើយ ក៏នៅបានបុគ្គលល្បីៗជាច្រើនផ្សេងទៀត ដែលបានមកទស្សនាប្រាសាទអង្គរវត្ត ក៏ដូចជារមណីយដ្ឋានអង្គរទាំងមូលផងដែរ។
ប្រាសាទអង្គរវត្តត្រូវបានកសាងឡើងក្រោមស្នាព្រះហស្តព្រះបាទសូរ្យវរ្ម័នទី២ (King Suryavar man II) នៅដើមសតវត្សទី១២។ ហើយបច្ចុប្បន្ន ប្រាសាទនេះបានជាប់ឈ្មោះជាមហាប្រាសាទព្រហ្មញ្ញ សាសនាធំជាងគេ ខណៈរមណីយដ្ឋានអង្គរទាំងមូលក៏បានជាប់ឈ្មោះជាទេវស្ថានដ៏ធំបំផុតមួយក្នុងលោកផងដែរ៕
