អាមេរិក ៖ រដ្ឋមន្រ្តីក្រសួងរតនាគារសហរដ្ឋអាមេរិក លោកស្រី Janet Yellen បាននិយាយថា បុគ្គលិក ជនជាតិអាមេរិកដែលរកចំណូលបាន ៦០,០០០ ដុល្លារអាមេរិក ក្នុងមួយឆ្នាំ គួរតែទទួលបានការត្រួតពិនិត្យ ជាផ្នែកមួយនៃកញ្ចប់ថវិកាជំនួយសង្គ្រោះ ដែលមានចំនួន ១,៩ ពាន់ពាន់លានដុល្លារអាមេរិកដែលបានស្នើឡើង។ លោកស្រី Yellen បាននិយាយថា សេចក្តីលម្អិតពិតប្រាកដនៃវិធីផ្តល់កញ្ចប់ជំនួយ គួរតែត្រូវបានកំណត់ ប៉ុន្តែគ្រួសារដែលមានវណ្ណៈ កណ្តាលកំពុងតស៊ូ ត្រូវការជំនួយជាចាំបាច់។ សេតវិមានបាននិយាយថា បានបើកចំហចំពោះការចរចា អំពីថាតើអ្នកណាគួរមានសិទ្ធិទទួលបានថវិកាជំនួយចំនួន ១.៤០០ ដុល្លារអាមេរិក ដែលបានស្នើរសុំ ។
លោកស្រី Yellen និយាយថា លោកប្រធានាធិបតី Joe Biden ពិតជាមានឆន្ទៈធ្វើការជាមួយសមាជិកសភា ដើម្បីកំណត់នូវអ្វីដែលត្រឹមត្រូវ ហើយលោកមិនចង់ឃើញគ្រួសារមួយដែលរកចំណូលបានជាង ៣០ ម៉ឺនដុល្លារ ទទួលបានប្រាក់កញ្ចប់ថវិកាជំនួយនោះទេ។ លោកស្រីនិយាយថា ប្រសិនបើសភាអនុម័តផែនការកញ្ចប់ថវិកា១,៩ ពាន់ពាន់ លានដុល្លារអាមេរិក ប្រទេសនេះនឹងត្រូវទទួលបានការងារពេញលេញវិញនៅឆ្នាំក្រោយ។
បើមិនដូច្នោះទេ ភាពអត់ការងារធ្វើនឹងមានរយៈពេលយូរឆ្នាំទៀត។ គណបក្សសាធារណរដ្ឋ នៅកាពីតូលហ៊ីល បានប្រឆាំងនឹងផែនការផ្តល់ជំនួយសង្គ្រោះ ដោយសារជម្ងឺ កូវិត៦-19 របស់រដ្ឋបាលលោក ចូ បៃដិន ដោយបារម្ភថាវានឹងបង្កើនបំណុលជាតិ ដែលមិនចាំបាច់បន្ទាប់ពីមានជំនួយចំនួន ៤ ពាន់ពាន់ដុល្លារ ដែលសភាបានអនុម័តកាលពីឆ្នាំមុន។ លោក Biden បាននិយាយថា លោកនឹងទទួលបានការគាំទ្រទ្វេភាគី សម្រាប់ផែនការរបស់លោក ហើយគណបក្សប្រជាធិបតេយ្យ នឹងធ្វើវាតែម្នាក់ឯងប្រសិនបើចាំបាច់។
លោកប្រធានាធិបតី លោកស្រីYellen និងមន្រ្តីរដ្ឋបាលដទៃទៀត បានព្រមានម្តងហើយម្តងទៀត ថាគ្រោះថ្នាក់ដល់សេដ្ឋកិច្ច នឹងមានទំហំតូចជាមួយនឹងការខិតខំជំរុញមិនឲ្យកាន់តែធ្ងន់ធ្ងរ៕
