សម្តេចតេជោ ហ៊ុន សែន អនុញ្ញាតឱ្យលោក យ៉ូស៉ីហ៉ីសា កៃនុម៉ា អគ្គនាយកក្រុមហ៊ុនមីនីបៀ ចូលជួបសម្តែងការគួរសម និងពិភាក្សាការងារ

(ភ្នំពេញ)៖ នៅព្រឹកថ្ងៃទី២៦ ខែតុលា ឆ្នាំ២០២៣នេះ សម្តេចតេជោ ហ៊ុន សែន ប្រធានក្រុមឧត្តម ប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា បានអនុញ្ញាតឱ្យ លោក យ៉ូស៉ីហ៉ីសា កៃនុម៉ា អគ្គនាយកក្រុមហ៊ុនមីនីបៀ ចូលជួបសម្តែងការគួរសម និងពិភាក្សាការងារ នៅវិមាន៧មករា រាជធានីភ្នំពេញ។

សូមបញ្ជាក់ថា ក្រុមហ៊ុនមីនីបៀ ជាក្រុមហ៊ុនដ៏ធំមួយរបស់ជប៉ុន ដែលបានវិនិយោគនៅក្នុងប្រទេស កម្ពុជា ក្នុងឆ្នាំ២០១០ ដោយផលិតជាម៉ូទ័រសម្រាប់នាំចេញទៅលក់នៅក្រៅប្រទេស។ បច្ចុប្បន្នក្រុមហ៊ុនមានផលិតអំពូល LED និងសម្ភារៈមួយចំនួនទៀត។ ក្រុមហ៊ុននេះមានទីតាំង នៅតំបន់សេដ្ឋកិច្ចភ្នំពេញ៕