(ប៉េកាំង, ចិន)៖ នៅព្រឹកថ្ងៃព្រហស្បតិ៍ ទី១៩ ខែតុលា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានជួបពិភាក្សាការងារជាមួយលោក ស៊ី ជីនពីង ប្រធានាធិបតីចិន។
ជំនួបធ្វើឡើងនៅមហាវិមានប្រជាជនចិន ក្នុងរដ្ឋធានីប៉េកាំង ប្រទេសចិន។ ជំនួបជាមួយលោក ស៊ី ជីនពីង នាព្រឹកថ្ងៃនេះ គឺជាជំនួបលើកទី២ហើយក្នុងឋានៈសម្តេចធិបតី ហ៊ុន ម៉ាណែត ជានាយក រដ្ឋមន្ត្រីកម្ពុជា។
ជំនួបលើកទី១ បានធ្វើឡើងកាលពីថ្ងៃទី១៥ ខែកញ្ញា ឆ្នាំ២០២៣ ក្នុងដំណើរបំពេញទស្សនកិច្ចជា ផ្លូវការរបស់សម្តេចធិបតី ទៅកាន់ប្រទេសចិន។
សូមបញ្ជាក់ថា ក្នុងដំណើរបំពេញការងារនៅចិនពេលនេះ សម្តេចធិបតី ហ៊ុន ម៉ាណែត ក៏បានជួប ជាមួយលោក លី ឈាង នាយករដ្ឋមន្ត្រីចិន និងលោក ឆាយ ឈី (Cai Qi) សមាជិកគណៈកម្មាធិ ការអចិន្ត្រៃយ៍ នៃការិយាល័យនយោបាយ គណៈកម្មាធិការមជ្ឈិមបក្សកុម្មុយនីស្ដចិន និងជាប្រធាន ការិយាល័យកិច្ចការទូទៅ នៃគណៈកម្មាធិការមជ្ឈិមបក្សកុម្មុយនីស្ដចិនផងដែរ៕
