(កំពង់ឆ្នាំង)៖ ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែន នគរូបនីយកម្ម និងសំណង់ បានដឹកនាំកិច្ចប្រជុំអន្តរក្រសួងអំពីផែនការរៀបចំកាត់ឆ្វៀលលដីជូនប្រជាពលរដ្ឋ នៅស្រុកបរិបូណ៌ និងស្រុកកំពង់លែង ខេត្តកំពង់ឆ្នាំង។
កិច្ចប្រជុំនេះអន្តរក្រសួងនេះ បានធ្វើឡើងនាថ្ងៃទី២០ ខែធ្នូ ឆ្នាំ២០២២ ម្សិលមិញ មានការអញ្ជើញ ចូលរួមពីឯកឧត្តម បណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ, ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម, លោក សាយ សំអាល់ រដ្ឋមន្ត្រីក្រសួងបរិស្ថាន, ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, នាយឧត្ដមសេនីយ៍ សៅ សុខា អគ្គ មេបញ្ជា ការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃ ប្រទេស, លោកជំទាវ រដ្ឋលេខាធិការ អនុរដ្ឋលេខាធិការ ក្រសួងស្ថាប័នពាក់ព័ន្ធ ក្រុមប្រឹក្សា គណៈ អភិបាលខេត្តកំពង់ឆ្នាំង ប្រធានមន្ទីរ អង្គភាពជុំវិញខេត្ត អភិបាល ក្រុង ស្រុក និងមេឃុំ ចៅសង្កាត់ ពាក់ព័ន្ធជាច្រើនរូបទៀតផងដែរ។
បើតាមលោក ងិន ហ៊ុន ប្រធានមន្ទីរកសិកម្មរុក្ខាប្រ មាញ់ និងនេសាទខេត្តកំពង់ឆ្នាំង និងលោកមេ ឃុំផ្លូវទូក ស្រុកកំពង់លែង បន្ទាប់ពីបញ្ចប់កិច្ចប្រជុំនៅល្ងាចថ្ងៃទី២០ ខែធ្នូ បានបញ្ជាក់ថា ជាលទ្ធ ផលក្នុងកិច្ចប្រជុំចំពោះឃុំសំរោងសែន និងឃុំផ្លូវទូក នៃស្រុកកំពង់លែង ឧបនាយករដ្ឋមន្ត្រី ជា សុផារ៉ា បានឯកភាពស្នើសុំទៅប្រមុខរាជរដ្ឋាភិបាលកាត់ឆ្វៀលដីតំបន់៣ ដែលប្រជាពលរដ្ឋធ្លាប់អា ស្រ័យផលកន្លងមក ឱ្យពួកគាត់បន្តអាស្រ័យផលវិញដដែល។ ដោយឡែកចំពោះប្រជាពលរដ្ឋដែលពុំមានដីធ្លីធ្វើកសិកម្ម នៅក្នុងឃុំទាំង២នេះ ក្នុងនោះប្រជាពល រដ្ឋដែលបានធ្វើបន្លាស់ទីឡើងពីផ្ទះបណ្តែ តទឹកមករស់លើកគោក ក្រុមការងារអន្តរក្រសួង និងស្នើ សុំទៅប្រមុខរាជរដ្ឋាភិបាល នឹងចែកជូនដីស្រែក្នុង១គ្រួសារៗ ចំនួន២ហិកតា រួមទាំងដីលំនៅដ្ឋាន។
ចំណែកពលរដ្ឋដែលរស់នៅផ្ទះបណ្តែតទឹកក្នុងស្រុកបរិបូណ៌ និងស្រុកកំពង់លែង មិនអនុញ្ញាតឱ្យ រស់នៅក្នុងផ្ទះបណ្តែតទឹកជាបន្តទៀតទេ ត្រូវបម្លាស់ទីឡើងមករស់នៅលើគោកវិញ រាជរដ្ឋាភិបាល នឹងចែកដីលំនៅដ្ឋាន រួមទាំងដីសម្រាប់ធ្វើកសិ កម្មផងដែរ។
ចំពោះផែនការកាត់ឆ្វៀលដីតំបន់៣ មកជាដីតំបន់២ ពីតំបន់២ មកជាដីតំបន់១ របស់រាជរដ្ឋាភិបាល ជូនប្រជាពលរដ្ឋខេត្តកំពង់ឆ្នាំងខាងលើនេះ ប្រជាពលរដ្ឋពិតជាមានក្តីត្រេកអរ និងរីករាយយ៉ាងក្រៃ លែង និងសូមថ្លែងអំណរគុណយ៉ាងជ្រាលជ្រៅដល់ក្រុមការងារអន្តរក្រសួង ពិសេសប្រមុខរាជរដ្ឋា ភិបាលកម្ពុជា ដែលមានសម្ដេចតេជោរ ហ៊ុន សែន ជាប្រមុខដឹកនាំដ៏ឈ្លាសវៃ ប្រកបដោយគតិ បណ្ឌិត និងជាវីរៈបុរសន្តិភាព ដែលសម្តេចតែងដឹងសុខទុក្ខ ជីវភាព និងរាល់ទុក្ខលំបាកក្នុងការរស់ នៅរបស់ប្រជាពលរដ្ឋ ដែលក្នុងនាមសម្តេចជាឪពុក ជាម្ដាយ និងជាអាណាព្យាបាលរបស់ពលរដ្ឋ៕
