ប្រធានបេសកជនរុស្ស៊ី និយាយថា ទីក្រុងមូស្គូបើកចំហការចរចាជាមួយលោកខាងលិច ដោយរង់ ចាំសំណើ ច្បាស់លាស់ពិតប្រាកដមួយ

 (ឡុងដ៍)៖  យោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃអង្គារ ទី១១ ខែតុលា ឆ្នាំ២០២២ អោយដឹងថា រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយ កាលពីថ្ងៃអង្គារថា ទីក្រុងមូស្គូបានបើកចំហសម្រាប់កិច្ចពិភាក្សា ជាមួយលោកខាងលិចស្តីពីសង្គ្រាម អ៊ុយក្រែន ប៉ុន្តែមិនទាន់ទទួលបានសំណើច្បាស់លាស់ណាមួយដើម្បីចរចានៅឡើយទេ។

នៅក្នុងបទសម្ភាសន៍មួយតាមទូរទស្សន៍រដ្ឋ លោក Lavrov បាននិយាយថា អ្នកនាំពាក្យសន្តិសុខ ជាតិសេតវិមាន លោក John Kirby បាននិយាយប្រឌិតដែលថាសហរដ្ឋអាមេរិកបើកចំហសម្រាប់ កិច្ចពិភាក្សា ប៉ុន្តែរុស្ស៊ីបានបដិសេធ។

លោក Lavrov បាននិយាយថា «នេះគឺជាការកុហក។ យើងមិនបានទទួលសំណើច្បាស់លាស់ ណាមួយ ដើម្បីធ្វើការទំនាក់ទំនងនោះទេ»។

លោកក៏បាននិយាយផងដែរថា ប្រទេសរុស្ស៊ីនឹងមិនបដិសេធជំនួបរវាងលោកប្រធានាធិបតីវ្ល៉ាឌីមៀ ពូទីន និងប្រធានាធិបតីអាមេរិកលោក ចូ បៃដិន ក្នុងកិច្ចប្រជុំ G20 នាពេលខាងមុខនោះទេ ហើយ នឹងពិចារណាលើសំណើរប្រសិនបើខ្លួនទទួលបាន៕