វៀតណាមបន្តរកឃើញអ្នកឆ្លងកូវីដ១៩ថ្មីៗចំនួន ១៦ម៉ឺនករណី និងស្លាប់៧១នាក់ទៀតនៅ ថ្ងៃព្រហស្បតិ៍នេះ

(ហាណូយ)៖  តាមការចេញផ្សាយ ដោយទីភ្នាក់ងារសារពត៌មាន Viet Nam News នៅយប់ថ្ងៃ ទី១០ ខែមីនា ឆ្នាំ២០២២ ម្សិលមិញនេះ អោយដឹងថា ក្រសួងសុខាភិបាលវៀតណាមនៅថ្ងៃ ព្រហស្បតិ៍នេះបានប្រកាសរកឃើញករណីឆ្លងថ្មីៗ នៃជំងឺកូវីដ១៩ចំនួន១៦០,៦៧៦ករណីបន្ថែម ទៀត ក្នុងរយៈពេល២៤ម៉ោងចុងក្រោយនេះ។

រដ្ឋធានីហាណូយដែលបច្ចុប្បន្នកំពុងប្រែក្លាយជាចំណុចកណ្តាល នៃការផ្ទុះរីករាលដាលជំងឺនេះ បានរ៉ាប់រងសម្រាប់ករណីឆ្លងថ្មីថ្ងៃនេះចំនួន៣០,១៥៧ករណី ខណៈហូជីមិញបានរាយការណ៍ ចំនួន៣,៦៦៨ករណី។ ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្ត Nghệ An មានចំនួន១១,១៤១ករណី, ខេត្ត Phú Thọ ៥,៨៩១ករណី និងខេត្ត Bình Dương ៥,៣០២ ករណី។ ក្នុងរបាយការណ៍ថ្ងៃព្រហស្បតិ៍នេះដែរក្រសួងសុខាភិបាលវៀតណាម ក៏បានប្រកាសពី ករណីអ្នកស្លាប់ថ្មីដោយសារជំងឺកូវីដ១៩ចំនួន៧១នាក់បន្ថែមទៀតផងដែរ។

សរុបមកវិញ គិតត្រឹមថ្ងៃទី១០ ខែមីនា ឆ្នាំ២០២២នេះ វៀតណាមមានករណីឆ្លងកូវីដ-១៩ សរុបនៅ ទូទាំងប្រទេសចំនួន៥,២៦០,៤៩៥នាក់ ក្នុងនោះអ្នកជំងឺជាសះស្បើយចំនួន ២,៩០៨,៣៦៥នាក់ ចំណែកអ្នកស្លាប់សរុបនៅត្រឹមចំនួន៤១,១៥៧នាក់៕