(ពោធិ៍សាត់)៖ «យើងត្រូវរួមគ្នាខិតខំសម្រេចឱ្យបាននូវគោលនយោបាយទឹកស្អាតរបស់សម្តេចតេជោ និងប្តេជ្ញាអនុវត្តទស្សនវិស័យរបស់រាជរដ្ឋាភិបាលកម្ពុជា ដែលបានកំណត់ Ç ប្រជាជនរស់នៅតាមទី ក្រុង និងទីប្រជុំជន នឹងទទួលបាននូវការផ្គត់ផ្គង់ទឹកស្អាត៩០% ដល់ឆ្នាំ២០២៣ និង១០០% ក្នុង ឆ្នាំ២០២៥ខាងមុខ សម្រាប់បម្រើតម្រូវការចាំបាច់របស់ប្រជាពលរដ្ឋ ក៏ដូចជាផលិតកម្ម និងសេវាកម្ម នានា រយៈការអភិវឌ្ឍពង្រីកប្រព័ន្ធផ្គត់ផ្គង់ទឹកស្អាត ទាំងផ្នែកសាធារណៈ និងឯកជនÈ»។ នេះជាការលើកឡើងរបស់ ឯកឧត្តម កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្រ្តីក្រសួង ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។
ឯកឧត្តម កិត្តិសេដ្ឋាបណ្ឌិត បានលើកឡើងបែបនេះ ក្នុងឱកាសដែលលោក និងលោក Masahiro MIKAMI ឯកអគ្គរាជទូតជប៉ុន ប្រចាំប្រទេសកម្ពុជា បានរួមគ្នាបើកការដ្ឋានគម្រោងពង្រីកសមត្ថភាព ប្រព័ន្ធផ្គត់ផ្គង់ទឹកស្អាតខេត្តពោធិ៍សាត់ នៅបរិវេណទីតាំងការដ្ឋាន ដែលស្ថិតក្នុងភូមិផ្សារលើ សង្កាត់ លលកស ក្រុងពោធិ៍សាត់ ក្រោមហិរញ្ញប្បទានឥតសំណងរបស់រាជរដ្ឋាភិបាលជប៉ុន តាមរយៈ ទីភ្នាក់ងារសហប្រតិបត្តិការអន្តរជាតិជប៉ុន (JICA) នាថ្ងៃទី១៣ ខែធ្នូ ឆ្នាំ២០២១ ម្សិលមិញ។
បន្ទាប់ពី ឯកឧត្តម ជាវ តាយ អភិបាលខេត្តពោធិ៍សាត់ បានមានមតិស្វាគមន៍ និងចាត់ទុកគម្រោង ពង្រីកសមត្ថភាពប្រព័ន្ធផ្គត់ផ្គង់ទឹកស្អាតនេះ ជាសមិទ្ធផលថ្មីមួយទៀត ក្នុងចំណោមសមិទ្ធផលជា ច្រើន ដែលកើតមានក្នុងទឹកដីខេត្តពោធិ៍សាត់ ក្រោមការដឹកនាំរបស់រាជរដ្ឋាភិបាល ដែលមាន សម្ដេចតេជោ ហ៊ុន សែន ជាប្រមុខនោះរួចមក, លោក Masahiro MIKAMI ឯកអគ្គរាជទូតជប៉ុន ប្រចាំប្រទេសកម្ពុជា បានឱ្យដឹងថា គម្រោងនេះ គឺជាហិរញ្ញប្បទានឥតសំណង របស់ប្រទេសជប៉ុន ដែលមានទឹកប្រាក់ចំនួន ២,៤ប៊ីលានយ៉េន ស្មើប្រមាណ២២,២លានដុល្លារអាមេរិក។
ប្រទេសជប៉ុនបាននឹងកំពុងមានកិច្ចសហប្រតិបត្តិការ ជាមួយប្រទេសកម្ពុជា លើច្រើនវិស័យ ហើយ ឯកឧត្តម ជឿជាក់ថាកិច្ចសហប្រតិបត្តិការរបស់យើងទាំងអស់ បានរួមចំណែកដល់ការអភិវឌ្ឍន៍ សេដ្ឋកិច្ច និងសង្គមនៅកម្ពុជា។ ក្នុងកិច្ចខិតខំប្រឹងប្រែងទាំងអស់នេះ កិច្ចសហប្រតិបត្តិការលើវិស័យ ផ្គត់ផ្គង់ទឹកស្អាត មានភាពលេចធ្លោ ដោយផ្អែកទៅលើប្រវត្តិដ៏យូរលង់ និងការចូលរួមចំណែកយ៉ាង សំខាន់ ធ្វើឱ្យជីវិតរបស់ប្រជាពលរដ្ឋកម្ពុជាមានភាពប្រសើរឡើង។
ឯកឧត្តម កិត្តិសេដ្ឋាបណ្ឌិត ចម ប្រសិទ្ធ បានឱ្យដឹងថា តាមកម្មវិធីការងារសាងសង់ របស់ក្រុមហ៊ុន ម៉ៅការ គម្រោងនេះត្រូវចាប់អនុវត្តពីខែសីហា ឆ្នាំ២០២១ និងបញ្ចប់ការសាងសង់ នៅដំណាច់ខែ សីហាឆ្នាំ២០២៣។ នេះគឺជាសមិទ្ធផលនៃការអភិវឌ្ឍន៍ពង្រីកហេដ្ឋារចនាសម្ព័ន្ធ ក្នុងវិស័យទឹកស្អាត ដ៏ធំ និងថ្មីបន្ថែមទៀត នៅខេត្តពោធិ៍សាត់ ក្រោមកម្មវិធីជំនួយហិរញ្ញប្បទានឥតសំណង របស់រដ្ឋាភិ បាលជប៉ុន បន្ទាប់ពីគម្រោងផ្លាស់ប្ដូរបណ្ដាញចាស់ និងពង្រីកបណ្ដាញថ្មី សម្រាប់អង្គភាពរដ្ឋាករទឹក ខេត្តពោធិ៍សាត់ ខេត្តបាត់ដំបង និងខេត្តព្រះសីហនុ ដែលបានបញ្ចប់ដោយជោគជ័យ នៅក្នុងខែ មិថុនាឆ្នាំ២០១៣ កន្លងទៅ។
បើតាម ឯកឧត្តម កិត្តិសេដ្ឋាបណ្ឌិត បានបន្តថា គម្រោងនេះនឹងជួយពង្រីកសមត្ថភាពផលិត និងផ្គត់ ផ្គង់បន្ថែម ដល់អង្គភាពរដ្ឋាករទឹកខេត្តពោធិ៍សាត់ ចំនួន៦,៦០០ម៉ែតគូប ក្នុងមួយថ្ងៃ បន្ថែមពីលើ សមត្ថភាពផលិតដែលមានស្រាប់នាពេលបច្ចុប្បន្ន និងបង្កើនសេវាផ្គត់ផ្គង់ទឹកស្អាត ដល់ប្រជា ពលរដ្ឋរស់នៅក្នុងក្រុងពោធិ៍សាត់ ប្រមាណ៨៦% ក្រោយពេលបញ្ចប់គម្រោង។
ក្នុងនាមរាជរដ្ឋាភិបាល និងប្រជាជនកម្ពុជាទាំងមូល ជាពិសេសប្រជាជននៅក្រុងពោធិ៍សាត់ ឯកឧត្តម កិត្តិសេដ្ឋាបណ្ឌិត ចម ប្រសិទ្ធ បានសម្ដែងនូវការដឹងគុណដ៏ជ្រាលជ្រៅ ចំពោះប្រជាជន និងរដ្ឋាភិបាលជប៉ុនដែលជានិច្ចជាកាលតែងតែបានផ្ដល់នូវជំនួយឥតសំណងដ៏ច្រើនសន្ធឹកសន្ធាប់ដល់ប្រជាជនកម្ពុជា ក្នុងន័យចូលរួមចំណែក ដល់ការអភិវឌ្ឍសេដ្ឋកិច្ចកម្ពុជា លើកកម្ពស់សុខមាល ភាព និងការកាត់បន្ថយភាពក្រីក្រ ជាក់ស្ដែងដូចការអភិវឌ្ឍន៍គម្រោង ដែលយើងកំពុងរៀបចំពិធីបើក ការដ្ឋាននាពេលនេះ ជាភស្ដុតាងស្រាប់។
នាឱកាសនោះដែរ ឯកឧត្តម កិត្តិសេដ្ឋាបណ្ឌិត សូមឱ្យចំណងមិត្តភាព សាមគ្គីភាព និងឧត្តមភាព កិច្ចសហប្រតិបត្តិការដ៏ស្អិតរមួត រវាងប្រទេសទាំងពីរ (កម្ពុជា-ជប៉ុន) រឹងមាំស្ថិតស្ថេរជាអមតៈ៕
