ថៃមាន មនុស្ស ៨,១៦៥នាក់ទៀតឆ្លងកូវីដ-១៩ និងអ្នកជំងឺ ៥៥នាក់ស្លាប់ ក្នុងរបាយការណ៍ ថ្ងៃចន្ទនេះ

 (បាងកក)៖  តាមការចេញផ្សាយដោយសារព័ត៌មានថៃ Bangkok Post បានអោយដឹងថា

ក្រសួងសុខាភិបាលថៃនៅថ្ងៃចន្ទ ទី០១ ខែវិច្ឆិកា ឆ្នាំ២០២១នេះ បានរាយការណ៍ពីការរកឃើញ ករណីឆ្លងជំងឺ COVID-19 ថ្មីៗចំនួន ៨,១៦៥ករណីបន្ថែមទៀត ក្នុងរយៈពេល ២៤ម៉ោងចុងក្រោយ នេះ។ ក្រៅពីការរកឃើញករណីឆ្លងថ្មីៗខាងលើ អ្នកជំងឺចំនួន ៥៥នាក់បន្ថែមទៀត ក៏ត្រូវបានរាយ ការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា ខណៈអ្នកជំងឺចំនួន ៩,៥៧៤នាក់ ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។

សូមបញ្ជាក់ថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុប នៅទូទាំងប្រទេសចំនួន ១,៩២០,១៨៩ករណី ក្នុងនោះមានអ្នកស្លាប់ ១៩,២៦០នាក់ និងអ្នកជា សះស្បើយឡើងវិញ ១,៨០១,៧០២នាក់។ គិតត្រឹមពេលនេះ ថៃបានចាក់វ៉ាក់សាំងបង្ការ COVID-19 សរុប ៧៤.៨១លានដូស ក្នុងនោះប្រជាជន ៣០.៤២លាននាក់ (៤៣.៥% នៃចំនួនប្រជាជន សរុប) បានទទួលការចាក់គ្រប់ដូស៕