ខេត្តព្រះសីហនុ÷មានគ្រោះថ្នាក់ចរាចរណ៍ រថយន្តសេរីទំនើបមួយគ្រឿងម៉ាក ( HENDRICK motor sports )ពណ៌លឿងលាយខ្មៅពាក់ស្លាកលេខ ភ្នំពេញ 2BM 00 24 បើកបុកបង្គោលភ្លើងនៅម៉ោង១២ : ២០ នាទីយប់ថ្ងៃច័ន្ទ ទី ២៣ ខែសីហាឆ្នាំ ២០២១បណ្ដោយផ្លូវវិថីឯករាជ ស្ថិតនៅក្នុងភូមិ២ សង្កាត់លេខ៣ ក្រុង/ខេត្តព្រះសីហនុ។
តាមសម្ដីអ្នកឃើញហេតុការណ៍ប្រាប់ថាឃើញរថយន្ដទំនើបខាងលើបើកចេញយ៉ាងលឿនមកពីផ្លូវថៃបុនរ៉ុង (115 ) មកដល់ត្រង់ចំណុចកើតហេតុបំរុងនិងបតប្រហែលកាច់ចង្កូតមិនទាន់ជ្រុលទៅបុកបង្គោលភ្លើងនោះតែម្ដងបានបណ្ដាលអោយខូចឆាតរថយន្ដ យ៉ាងដំណាំ។
ជា
ប្រភពដដែលបានបន្តទៀតថានៅក្នុងរថយន្តមានមនុស្ស2នាក់ ម្នាក់បើករថយន្ដមិនស្គាល់ឈ្មោះ _ ភេទប្រុស ជនបរទេសរងរបួសស្រាលបញ្ជូនទៅមន្ទីពេទ្យនិងស្ត្រីម្នាក់ទៀតមិនស្គាល់ឈ្មោះ_ជនបរទេសមិនមានរងរបួសអ្វីនោះទេ ។
ក្រោយពេលកើតហេតុសមត្ថកិច្ចនគរបាលផ្លូវគោកយករថយន្តសន្ទូចយកទៅរក្សាទុកនៅការិយាល័យចរាចរណ៍ផ្លូវគោក ដើម្បីកសាងសំណុំរឿងទៅតាមនិតិវិធីច្បាប់៕ដោយចិន ប៊ុន ធឿន
