មនុស្សយ៉ាងហោចណាស់១២នាក់បានសម្លាប់និងជិត៤០នាក់រងរបួសនៅពេលបំពង់បង្ហូរហ្គាសមួយ បានផ្ទុះនៅក្នុងបរិវេណអាគារស្នាក់នៅមួយនៅក្នុងខេត្តហ៊ូប៉ីភាគកណ្តាលកាលពីថ្ងៃអាទិត្យ។បុគ្គលិកជួយសង្គ្រោះនៅមិនប្រាកដថាតើមានមនុស្សប៉ុន្មាននាក់នៅជាប់ក្រោមគំនរបាក់បែកនៃអាគារដែលផ្ទុះនៅឡើយទេ។
វីដេអូថតបានដោយសាក្សីនិងត្រូវបានបញ្ជាក់ដោយសារព័ត៌មានBeijing Newsបង្ហាញអាគារជាច្រើនរលំបាក់ជាគំនរ ហើយអ្នកជួយសង្គ្រោះសែងអ្នកនៅមានជីវិតលើគ្រែស្នែង។ការផ្ទុះនេះក៏បានបំផ្លាញផ្សារបន្លែមួយដែលមានអ្នកលក់ដូរពេញនិងប្រជាជនកំពុងទទួលទានអាហារពេលព្រឹក។ការផ្ទុះបានកើតឡើងនៅម៉ោងប្រមាណ៦កន្លះព្រឹក ហើយការស៊ើបអង្កេតមួយត្រូវបានធ្វើឡើងដើម្បីរកមូលហេតុនៃការផ្ទុះ៕
