ភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងនៅថ្ងៃទី១៥ ខែធ្នូ ឆ្នាំ២០២០ នេះថា ស្ថានភាពធាតុអាកាសនៅកម្ពុជា រយៈពេលមួយសប្តាហ៍ ចាប់ពីថ្ងៃទី១៦ ដល់ ២២ ខែធ្នូ ឆ្នាំ២០២០ នឹងមានសីតុណ្ហភាពធ្លាក់ចុះត្រជាក់ចន្លោះពី១៧ ទៅ ២៨អង្សាសេទៅតាមតំបន់នីមួយៗនៅទូទាំងកម្ពុជា។
ក្រសួងបានឲ្យដឹងថា នៅថ្ងៃទី២០ ដល់ ២២ ខែធ្នូ ឆ្នាំ២០២០ អាកាសធាតុនៅកម្ពុជា តំបន់មួយចំនួននឹងចុះត្រជាក់ដល់១៧អង្សាសេ ដូច្នេះសូមឲ្យបងប្អូនប្រជាពលរដ្ឋ ពិសេសនគរបាល និងកងទ័ព ឈរជើងនៅតំបន់ជួរភ្នំដងរែក និងខ្ពស់រាបឦសាន យកចិត្តទុកដាក់ថែរក្សាសុខភាព៕
