ម៉ូស្គូ ៖ រដ្ឋមន្ត្រីក្រសួងសុខាភិបាលរុស្ស៊ី លោក Mikhail Murashko កាលពីម្សិលមិញបានថ្លែងឲ្យដឹងថា មិត្តបរទេសរបស់យើងហាក់ដូចជាដឹងពី គុណសម្បត្តិ នៃការប្រកួតប្រជែងផលិតវ៉ាក់សាំងរុស្ស៊ី ហើយព្យាយាមបង្ហាញពីគំនិតដែលថាគំនិតពួកយើង គឺគ្មានមូលដ្ឋានទាល់តែសោះ។
លោករដ្ឋមន្ត្រីថែមទាំងបានអះអាងថា វ៉ាក់សាំងដែលអភិវឌ្ឍឡើង ដោយវិទ្យាស្ថានស្រាវជំងឺឆ្លង និងមីក្រូសារពាង្គកាយរុស្ស៊ី ហ្គាម៉ាឡេយ៉ា (Gamaleya) នឹងត្រូវផលិតរួចរាល់សម្រាប់ចែកជូនដល់ប្រជាជន ក្នុងពេលឆាប់ៗនេះ។ ប៉ុន្តែក្នុងតំណាក់កាលដំបូង ដែលនឹងផលិតរួសរាល់នាពីរសប្តាហ៍ទៀតនេះ គឺផលិតឡើងជាពិសេសសម្រាប់បុគ្គលិកពេទ្យ និងជនដែល ងាយរងគ្រោះជាងគេ។
អាជ្ញាធរសុខាភិបាលរុស្ស៊ី ក៏បានច្រានចោលផងដែរចំពោះការព្រួយបារម្ភរបស់ ក្រុមអ្នកជំនាញលោកខាងលិច ជុំវិញប្រសិទ្ធភាព និងសុវត្ថិភាពនៃវ៉ាក់សាំងរបស់ខ្លួន ជាមួយការគូសបញ្ជាក់ថា ក្រុមបុគ្គលិកពេទ្យរុស្ស៊ីមួយចំនួន នឹងទទួលបានការចាក់វ៉ាក់សាំងមុនគេ ក្នុងរយៈពេលពីរសប្តាហ៍ខាងមុខ៕
