សហរដ្ឋអាមេរិក ធ្វើតេស្តមីស៊ីលល្បឿនលឿនជាងសំឡេង ពីរគ្រាប់ដោយជោគជ័យ

 (វ៉ាស៉ីនតោន)៖  តាមការចុះផ្សាយដោយទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៤ ខែកក្កដា ឆ្នាំ២០២២ គឺមន្ទីរបញ្ចកោណ បានប្រកាសនៅថ្ងៃពុធសប្តាហ៍នេះថា សហរដ្ឋអាមេរិក បានធ្វើតេស្តដោយជោគជ័យនូវមីស៉ីលល្បឿនលឿនជាង សំឡេងចំនួនពីរគ្រាប់ផ្សេងគ្នា ចំពោះមុខ ការព្រួយបារម្ភកាន់តែខ្លាំងឡើងថា រុស្ស៉ី និងចិនកាន់តែដើរទៅមុខក្នុងការអភិវឌ្ឍអាវុធប្រភេទ។ នេះបើកងទ័ពអាកាសអាមេរិក បានបញ្ជាក់ថា ខ្លួនបានបាញ់សាកល្បងមីស៊ីលល្បឿនលឿនជាង សំឡេងកាលពីថ្ងៃអង្គារសប្តាហ៍នេះ ដោយមួយគ្រាប់ធ្វើឡើង នៅឯឆ្នេរសមុទ្រនៃរដ្ឋកាលីហ្វ័រញ៉ា ក្រោយបរាជ័យក្នុងការធ្វើតេស្ដជាបន្តបន្ទាប់កន្លងមក ខណៈការធ្វើតេស្ដដោយជោគជ័យដាច់ដោយ ឡែកមួយទៀត ធ្វើឡើងនៅឯមូលដ្ឋានយោធា White Sands Missile Range ក្នុងរដ្ឋញូវ ម៉ិកស៊ីកូ (New Mexico)។

កងទ័ពអាកាសអាមេរិក មិនបានបញ្ជាក់ថាតើមីស៊ីលទាំង២ខាងលើ ហោះបានក្នុងរយៈកម្ពស់ និង ចម្ងាយប៉ុន្មាននោះទេ ប៉ុន្តែឱ្យដឹងថាមីស៊ីលត្រូវបាន បាញ់ពីយន្ដហោះទម្លាក់គ្រាប់បែក B-52H បានឈានដល់ល្បឿននៃប្រព័ន្ធអាវុធល្បឿនលឿនជាងសំឡេង។

សូមបញ្ជាក់ថា ប្រភេទសព្វាវុធល្បឿនលឿនជាងសំឡេង អាចធ្វើដំណើរក្នុងលំហរអាកាសដោយ ល្បឿនច្រើនជាងប្រាំដង នៃសំឡេងរបស់វា ឬប្រហែល ៦,២០០ គីឡូម៉ែត្រ ក្នុងមួយម៉ោង។ ការសាកល្បងជោគជ័យខាងលើនេះ បានបង្ហាញពីវឌ្ឍនភាពក្នុងចំណោមកិច្ចខិតខំប្រឹងប្រែង អភិវឌ្ឍន៍ អាវុធល្បឿនលឿនជាងសំឡេងរបស់សហរដ្ឋអាមេរិកជាច្រើនទៀត៕