(ក្រចេះ)៖ ឯកឧត្តម ឧបនាយករដ្ឋមន្ត្រី ជា សុផា រដ្ឋមន្ត្រីក្រសួងរៀបចំដែនដី នគរូបនីយកម្ម និង សំណង់ នៅព្រឹកថ្ងៃទី២៨ ខែធ្នូ ឆ្នាំ២០២១នេះ បានអញ្ជើញជាអធិបតីក្នុងពិធីចែកវិញ្ញាបនបត្រ សម្គាល់ម្ចាស់អចលនវត្ថុជូន សម្បទានិកនៃគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋ កិច្ចដំណាក់កាលទី២ (LASED II) ចំនួន ៤៥៨គ្រួសារ ស្មើនឹង ៧០៤បណ្ណ មកពីឃុំចំនួន៥ គឺឃុំ សំបុក ឃុំចង្ក្រង់ ឃុំដារ និងឃុំថ្មី ស្រុកចិត្រប្រើ និងឃុំចំបក់ ស្រុកព្រែកប្រសព្វ ខេត្តក្រចេះ។
ពិធីនេះ បានធ្វើឡើងនៅភូមិអូរគគី ឃុំដារ ស្រុកចិត្របុរី ខេត្តក្រចេះ។
តាមរយៈគម្រោង LASED II រាជរដ្ឋាភិបាលបានបែងចែកដីនៅតាមខេត្តគោលដៅចំនួន ៥ សរុប ទំហំ ១៦១១៣ហិកតា និងចេញវិញ្ញាបនបត្រសម្គាល់ម្ចាស់អចលនវត្ថុជូនសម្បទានិកចំនួន ៣ ៩៦០គ្រួសារ ស្មើនឹង ៦. ៩៣២បណ្ណ ដើម្បីធានាបាននូវសុវត្ថិភាពដីធ្លី និងបង្កើតបានជាទុនក្នុងការ ប្រកបរបរចិញ្ចឹមជីវិត បង្កើតប្រាក់ ចំណូល កាត់បន្ថយភាពក្រីក្រ បង្កើនកម្រិតជីវភាពរស់នៅ និង កាត់បន្ថយចំណាកស្រុក។
តាមការប្រកាសរបស់ក្រសួងរៀបចំដែនដី បានឲ្យដឹងថា សម្បទានិកទាំងអស់ បានសម្តែងនូវកតញ្ញូ តាធម៌ដ៏ជ្រាលជ្រៅជាទីបំផុតជួនចំពោះ សម្តេចអគ្គមហា សេនាបតីតេជោ ហ៊ុន សែន នាយករដ្ឋ មន្ត្រីនៃព្រះរាជាណាចក្រកម្ពុជា ដែលជានិច្ចកាលតែងយកចិត្តទុកដាក់ខ្ពស់ដល់ប្រជាពលរដ្ឋក្រីក្រ និងគ្មានដីពិតប្រាកដ ដើម្បីរស់នៅនិងបង្កបង្កើនផល៕
