(ភ្នំពេញ)៖ ក្រុមប្រឹក្សាធម្មនុញ្ញ បានបោះពុម្ពសៀវភៅ «រដ្ឋធម្មនុញ្ញ» និងសៀវភៅ «គុណតម្លៃរដ្ឋ ធម្មនុញ្ញកម្ពុជា» ចំនួនប្រមាណ ១០ម៉ឺនក្បាល។ បន្ទាប់ពីបោះពុម្ពរួចរាល់ហើយនោះ សៀវភៅទាំង ពីរក្បាលនេះ នឹងត្រូវផ្សព្វផ្សាយជាសាធារណៈនៅថ្ងៃទី២៣ ខែកញ្ញា ឆ្នាំ២០២១ស្អែកនេះ ក្រោម អធិបតីភាពឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ។
លោក ព្រហ្ម វិចិត្រអក្ខរា អ្នកនាំពាក្យក្រុមប្រឹក្សាធម្មនុញ្ញ បានឱ្យដឹងថា ការបោះពុម្ពផ្សាយនូវ សៀវភៅទាំងពីរក្បាលនេះ ដើម្បីចូលរួមអបអរសាទរខួប ២៨ឆ្នាំ នៃការកើតមានរដ្ឋធម្មនុញ្ញ កម្ពុជាឡើងវិញ នៅថ្ងៃទី២៤ ខែកញ្ញា ឆ្នាំ១៩៩៣ ក្រោយពេលកម្ពុជាជួបនូវវិបត្តិភ្លើងសង្គ្រាម។
លោក ព្រហ្ម វិចិត្រអក្ខរា បានឱ្យដឹងផងដែរថា ការបោះពុម្ពផ្សាយនេះ ជាការបញ្ជ្រាបការយល់ ដឹងខ្លឹមសារនៃរដ្ឋធម្មនុញ្ញដែលជាច្បាប់កំពូលរបស់ប្រទេសទៅក្នុងមជ្ឍដ្ឋានទាំងអស់របស់សង្គមជាតិ ដើម្បីលើកកម្ពស់នីតិរដ្ឋនៅព្រះរាជាណាចក្រកម្ពុជា។ ជាពិសេសធ្វើយ៉ាងណាឱ្យច្បាប់កំពូលរបស់ជាតិមួយនេះ ត្រូវបានផ្សព្វផ្សាយទៅដល់គ្រប់ស្រទាប់ នៃសង្គម ជាពិសេសបានដល់អាជ្ញាធរមូលដ្ឋាន រួមមានក្រុមប្រឹក្សាឃុំ-សង្កាត់ ជាដើម៕
