ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ ថា ឃុំអរិយក្សត្រ ដែលស្ថិតក្នុងស្រុកល្វាឯម ខេត្តកណ្ដាល នឹងត្រូវកាត់ចូលជាខណ្ឌមួយនៃរាជធានីភ្នំពេញ។
ប្រសាសន៍សម្ដេច ហ៊ុន សែន បានធ្វើឡើងនៅក្នុងពិធីស្រោចស្រពព្រះសុគន្ធវារី ប្រគេនសម្ដេចព្រះសង្ឃនាយករង ៣ព្រះអង្គ ដែលព្រះមហាក្សត្រទើបត្រាស់បង្គាប់តែងតាំង នៅព្រឹកថ្ងៃសុក្រ ទី២៨ ខែកុម្ភៈ ឆ្នាំ២០២០នេះ។
សម្ដេចតេជោ បានមានប្រសាសន៍ដូច្នេះថា៖ “បើថាធ្វើស្ពានឆ្លងរួចហើយណ៎ កាត់តាំងពីអរិយក្សត្រ ល្វាឯម ដើម្បីយកមកបញ្ចូលក្នុងភ្នំពេញថែមទៀត អាហ្នឹងទៅជាខណ្ឌមួយរបស់ភ្នំពេញ។ ប៉ុន្តែនិយាយអ៊ីចឹងដីឡើងថ្លៃងាប់ហើយ ព្រោះអាហ្នឹងត្រូវធ្វើស្ពានពីរទៀត ស្ពានមួយបានសុំកូរ៉េ ពីជ្រោយចង្វារទៅអរិយក្សត្រ ហើយមួយទៀតពីផ្លូវជាតិលេខ១ ត្រូវឆ្លងកាត់ត្រង់ក្ដីតាកុយ ទៅខាងល្វាឯម”។
សូមជម្រាបថា ឃុំអរិយក្សត្រ ជាឃុំមួយ ក្នុងចំណោមឃុំចំនួន ១៥ក្នុងស្រុកល្វាឯម ខេត្តកណ្ដាល៕
