(សេអ៊ូល)៖ ទីភ្នាក់ងារព័ត៌មាន យ៉ុនហាប់ បានរាយការណ៍នៅថ្ងៃព្រហស្បតិ៍ ទី២៩ ខែធ្នូនេះថា មនុស្ស៥នាក់បានស្លាប់ និង ៣៧នាក់ផ្សេងទៀតបានរងរបួស នៅក្នុងអគ្គិភ័យដែលបានឆាបឆេះរូង ក្រោមដី តាមបណ្តោយផ្លូវល្បឿនលឿនក្នុងទីក្រុង Gwacheon ភាគខាងត្បូងនៃរដ្ឋធានីសេអ៊ូល។
អគ្គីភ័យបានឆាបឆេះនៅម៉ោងប្រហែល ១:៤៩រសៀល ម៉ោងក្នុងស្រុក បន្ទាប់ពីឧបទ្ទវហេតុបុក គ្នារវាងរថយន្តក្រុងដឹកអ្នកដំណើរ និងរថយន្តដឹកទំនិញ ដែលបង្ករឲ្យមានការឆាបឆេះ និងរាល ដាលអណ្តាតភ្លើងទៅកាន់ផ្លូវរូងក្រោមដី តាមបណ្តោយផ្លូវល្បឿនលឿន Gyeongin។
មនុស្ស៥នាក់ត្រូវបានគេប្រទះឃើញស្លាប់នៅក្នុងរថយន្តដែលបុកគ្នា។ ចំនួនអ្នកស្លាប់ដំបូងមានចំនួន៦នាក់ ប៉ុន្តែត្រូវបានកែសម្រួលមកនៅត្រឹម៥នាក់នៅពេលក្រោយ។
បីនាក់ផ្សេងទៀតស្ថិតក្នុងស្ថានភាពធ្ងន់ធ្ងរ ដែលបន្សល់ទុកលទ្ធភាពនៃការស្លាប់បន្ថែម ខណៈ ដែលមនុស្ស៣៤នាក់បានរងរបួសស្រាល បន្ទាប់ពីស្រូបផ្សែង៕
