(ប៉ារីស)៖ យោងតាមការចេញផ្សាយដោយ សារព័ត៌មាន Reuters នៅថ្ងៃពុធ ទី១០ ខែសីហា ឆ្នាំ២០២២ អោយដឹងថា ភ្លើងឆេះព្រៃបានឆាបឆេះនៅភាគនិរតី នៃប្រទេសបារាំងកាលពីថ្ងៃអង្គារ (៩ សីហា) ដោយបានបំផ្លាញផ្ទះចំនួន ១៦ខ្នង និងផ្ទៃដីចំនួន ៦,០០០ហិកតា ព្រមទាំងបានបង្ខំ ឱ្យមនុស្សជិត ៦,០០០នាក់ជម្លៀសចេញពីតំបន់មួយ ដែលបានវាយប្រហាដោយអណ្តាតភ្លើង ដ៏ធំមួយម្តងរួចមកហើយកាលពីខែមុន។
ប្រទេសបារាំង ដូចជានៅអឺរ៉ុបផ្សេងទៀត កំពុងប្រឈមមុខនឹងរលកកំដៅ និងគ្រោះរាំងស្ងួត ដែល បានបង្កឲ្យមានភ្លើងឆេះព្រៃជាច្រើននៅទូទាំងទ្វីបក្នុងរយៈពេលពីរខែកន្លងមកនេះ។
តំបន់ Gironde នៅភាគនិរតីនៃប្រទេសបារាំង ត្រូវបានវាយប្រហារដោយភ្លើងឆេះព្រៃចំនួនពីរកាល ពីខែកក្កដាដែលបានបំផ្លាញព្រៃឈើ ជាង២០,០០០ហិកតា និងបាននាំឱ្យមានការជម្លៀសមនុស្ស ជិត៤០,០០០នាក់។
ភ្លើងក៏កំពុងឆាបឆេះផងដែរកាលពីថ្ងៃអង្គារ នៅតាមផ្នែកផ្សេងទៀតនៃប្រទេស ដោយមួយនៅផ្នែក ភាគខាងត្បូងនៃតំបន់ Lozere និង Aveyron ជាកន្លែងដែលផ្ទៃដីជិត៦០០ហិកតាត្រូវបានឆេះ បំផ្លាញអស់។
មិនតែប៉ុណ្ណោះ បើយោងតាមអាជ្ញាធរមូលដ្ឋានបានឱ្យដឹងថា ភ្លើងមួយផ្សេងទៀតបានឆាបឆេះនៅ តំបន់ Maine et Loire ស្ថិតភាគខាងលិចប្រទេសបារាំង ដែលផ្ទៃដីចំនួន៦៥០ហិកតាត្រូវបានឆេះ និង៥០០ហិចតាផ្សេងទៀតក្នុងការគំរាមកំហែង៕
