ក្រុមប្រទេសផលិតប្រេង OPEC+ ប្រកាសប្រកាន់ភ្ជាប់នូវផែនការដំឡើងទិន្នផលប្រេងតិចតួច បើទោះបីជាតម្លៃប្រេងកើនឡើងក៏ដោយ

 (អន្តរជាតិ)៖  យោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃព្រហស្បតិ៍ ទី០៥ ខែឧសភា ឆ្នាំ២០២២បញ្ជាក់ថា អង្គការនៃប្រទេសនាំចេញប្រេង (OPEC) និងសម្ព័ន្ធមិត្ត របស់ខ្លួនដែលគេស្គាល់ថា OPEC+ បានប្រកាសនៅថ្ងៃព្រហស្បតិ៍នេះថា ពួកគេនឹងប្រកាន់ខ្ជាប់នូវ ផែនការដែលមានស្រាប់ ក្នុងការបង្កើនទិន្នផលតិចតួចក្នុងខែមិថុនា បើទោះបីជាតម្លៃប្រេងឆៅកើន ឡើងក៏ដោយ។

យោងតាមសេចក្តីថ្លែងការណ៍ដែលបានចេញផ្សាយ បន្ទាប់ពីកិច្ចប្រជុំថ្នាក់រដ្ឋមន្ត្រី OPEC និងមិន មែន OPEC លើកទី២៨ក្រុមប្រទេសផលិតប្រេង OPEC+ បានអះអាងសារជាថ្មីនូវ «ការសម្រេច ចិត្តរបស់ខ្លួនក្នុងការបង្កើនផលិតកម្មប្រចាំខែសរុបរបស់ខ្លួនដល់ចំនួន ៤៣២,០០០បារ៉ែលក្នុងមួយថ្ងៃ សម្រាប់ខែមិថុនា ឆ្នាំ២០២២ខាងមុខ»៕