អ៊ុយក្រែន ចោទថាក្រុមឧទ្ទាមគាំទ្រដោយរុស្ស៊ីបាញ់កាំភ្លើងធំ ធ្លាក់ចំសាលាមត្ដេយ្យមួយកន្លែង

 (កៀវ)៖  តាមការចេញផ្សាយដោយ ទីភ្នាក់ងារសារព័ត៌មាន Reuters នៅថ្ងៃព្រហស្បតិ៍ ទី១៧ ខែកុម្ភៈ ឆ្នាំ២០២២ ប្រាប់អោយដឹងថា យោធាអ៊ុយក្រែន នៅថ្ងៃព្រហស្បតិ៍នេះ បានចោទប្រកាន់ ក្រុមឧទ្ទាមផ្ដាច់ខ្លួនគាំទ្រដោយរុស្ស៊ី ថាបានបាញ់គ្រាប់កាំភ្លើងធ្លាក់ចំសាលាមតេ្តយ្យ ក្នុងភូមិមួយ នៃតំបន់លូហាន់ស្កិ៍ (Luhansk) តែមិនបានបណ្ដាលឱ្យនរណាម្នាក់រងរបួស ឬក៏ស្លាប់នោះទេ។

នៅថ្ងៃព្រហស្បតិ៍នេះដែរ, ក្រុមឧទ្ទាមផ្ដាច់ខ្លួនគាំទ្រដោយរុស្ស៊ី ក្នុងតំបន់ភាគខាងកើតនៃប្រទេស អ៊ុយក្រែន ក៏បានចោទប្រកាន់យោធាអ៊ុយក្រែន ផងដែរថាបានវាយប្រហារមកលើទឹកដី ដែលពួក គេកំពុងកាន់កាប់ចំនួន ៤ដង នាកំលុងពេល ២៤ម៉ោងចុងក្រោយនេះ ហើយថាពួកគេកំពុងព្យា យាម បញ្ជាក់ថាតើមានមនុស្សស្លាប់ ឬរងរបួសដែរឬទេ។

យ៉ាងណាក៏ដោយ យោធាអ៊ុយក្រែនបានចេញមុខច្រានចោលភ្លាមៗ ចំពោះការចោទប្រកាន់ពី សំណាក់ក្រុមឧទ្ទាមផ្តាច់ខ្លួនភាគខាងកើតអ៊ុយក្រែននោះ ហើយក៏បានចោទប្រកាន់ទៅពួកឧទ្ទាម វិញថា គឺពួកគេទៅវិញទេ ដែលជាអ្នកវាយប្រហារមកលើកងទ័ពអ៊ុយក្រែន៕