កម្លាំងនគរបាលរាជធានីភ្នំពេញ ឃាត់ខ្លួនជនសង្ស័យម្នាក់ ជាមួយថ្នាំញៀនជិត២០០គីឡូក្រាម នៅខណ្ឌបឹងកេងកង និងខណ្ឌមានជ័យ

 (ភ្នំពេញ)៖ ក្រោមបទបញ្ជារបស់ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាល រាជធានីភ្នំពេញ កម្លាំងជំនាញ នៃការរិយាល័យប្រឆាំងគ្រឿងញៀន នៃស្នងការដ្ឋាននគរបាលរាជ ធានីភ្នំពេញ ដឹកនាំបញ្ជាផ្ទាល់ដោយលោកឧត្តមសេនីយ៍ត្រី គល់ យី ស្នងការរង និងលោកវរសេនី​យ៍ទោ រ៉ឹម មិច នាយការរិយាល័យប្រឆាំងគ្រឿងញៀន បានដឹកនាំស្រាវជ្រាវ រហូតឈានដល់ការ ឃាត់ខ្លួនជនសង្ស័យម្នាក់ និងគ្រឿងញៀន សរុបចំនួន ១៨១គីឡូ និង ៣៧០ក្រាម។

ប្រតិបត្តិការនេះ បានធ្វើឡើងនៅយប់ថ្ងៃទី៣០ ខែធ្នូ ឆ្នាំ២០២១ កន្លងទៅ នៅ៣គោលដៅ ដោយ ឃាត់ខ្លួនជនជាតិ វៀតណាម ម្នាក់។

លោក សាន សុខសីហា អ្នកនាំពាក្យស្ន ងការដ្ឋាននគរបាលរាជធានីភ្នំពេញ បានប្រាប់ នៅរសៀលថ្ងៃ ទី៤ ខែមករា ឆ្នាំ២០២២នេះថា ប្រតិបត្តិការចុះបង្ក្រាបករណីជួញដូរគ្រឿងទាំង៣គោលដៅនេះ រួមមាន៖

*គោលដៅទី១៖ នៅចំណុច ខុនដូ ជាន់ទី ៣ ផ្លូវ១០៥ សង្កាត់បឹងកេងកង២ ខណ្ឌបឹងកេងកង រាជធានីភ្នំពេញ ដោយបានឃាត់មនុស្សម្នាក់ឈ្មោះ Luu Tung Huy ភេទប្រុស អាយុ ២៥ ឆ្នាំ ជនជាតិវៀតណាម ចាប់យកវត្ថុតាងបានសារធាតុផ្សំចំនួន ៥១Kg និងរថយន្តចំនួន០១គ្រឿង។

*គោលដៅទី២៖ នៅចំណុច ខុនដូ រិស៊ីដែន១០៥ ជាន់ទី ៣ បន្ទប់R៣០១ ផ្លូវ១០៥ សង្កាត់បឹងកេង កង២ ខណ្ឌបឹងកេងកង រាជធានីភ្នំពេញ។

*គោលដៅទី៣៖ នៅចំណុចផ្ទះ២៨២ ផ្លូវ៤១ សង្កាត់បឹងទំពុនទី១ ខណ្ឌមានជ័យ ដោយដកហូត គ្រឿងញៀនជាង១៣០Kg។

ជនសង្ស័យ និងវត្ថុតាងជាគ្រឿងញៀន ត្រូវបានសមត្ថកិច្ចជំនាញ បញ្ជូនទៅសាលាដំបូងរាជធានី ភ្នំពេញ ដើម្បីអនុវត្តបន្តតាមនីតិវិធីច្បាប់ ៕