(បែរឡាំង)៖ តាមការចុះផ្សាយ ដោយទីភ្នាក់ងារសារព័ត៌មាន AFP នៅថ្ងៃចន្ទ ទី១២ ខែធ្នូ ឆ្នាំ ២០២២ បានអោយដឹងថា រដ្ឋមន្ត្រីមហាផ្ទៃអាល្លឺម៉ង់ បានឲ្យដឹងក្នុងបទសម្ភាសមួយដែលបានចុះ ផ្សាយកាលពីថ្ងៃអាទិត្យកន្លងទៅនេះថា ប្រទេសអាល្លឺម៉ង់គ្រោងនឹងរឹតបន្តឹង ច្បាប់ប្រើប្រាស់កាំភ្លើង ក្រោយសង្ស័យថាក្រុមស្តាំនិយមជ្រុល មានផែនការធ្វើរដ្ឋប្រហារផ្តួលរំលំរដ្ឋាភិបាលដោយហិង្សា។
ក្នុងបទសម្ភាសន៍ជាមួយកាសែត បៀល អាំ ហ្សុនថាក (Bild am Sonntag) រដ្ឋមន្ត្រីក្រសួងមហាផ្ទៃ លោកស្រី ណាន់ស៉ី ហ្វាស្សឺ (Nancy Faeser) បានព្រមានថា ចលនាក្រុមនិយមជ្រុល តំណាងឲ្យ ការកើនឡើងការគំរាមកំហែងដល់ប្រទេសអាល្លឺម៉ង់ ដោយសារបានពង្រីកចំនួនមនុស្សពី ២,០០០ នាក់ ទៅ ២៣,០០០នាក់កាលពីឆ្នាំមុន។
លោកស្រី ហ្វាស្សឺ បានគូសបញ្ជាក់ថា «ទាំងនេះមិនមែនត្រឹមតែជាមនុស្សបង្កគ្រោះថ្នាក់ទេ ប៉ុន្តែ ជាក្រុមភេរវករសង្ស័យដែលកំពុងស្ថិត នៅក្រៅឃុំបណ្តោះអាសន្ន។ យើងត្រូវការឲ្យអាជ្ញាធរទាំងអស់ដាក់សម្ពាធជាអតិបរមា ដើម្បីដកអាវុធចេញពីក្រុមទាំងនោះ ហើយវាជាមូលហេតុដែលរដ្ឋា ភិបាលនឹងរឹតបន្តឹងច្បាប់កាំភ្លើងក្នុងពេលដ៏ខ្លី»៕
