(បាកដាដ)៖ យោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃសុក្រ ទី២៥ ខែវិច្ឆិកា ឆ្នាំ២០២២ អោយដឹងថា ប្រព័ន្ធផ្សព្វផ្សាយរដ្ឋរបស់អ៊ីរ៉ង់បានរាយការណ៍កាលពីថ្ងៃសុក្រថា ប្រទេសអ៊ីរ៉ង់បានបញ្ជូនកងកំលាំងពិសេសបន្ថែមទៀត ដើម្បីពង្រឹងព្រំដែនភាគខាងជើងរបស់ ខ្លួនជាមួយប្រទេសអ៊ីរ៉ាក់ និងទប់ស្កាត់នូវអ្វីដែលខ្លួននិយាយថា ជាការជ្រៀតចូលេពីក្រុមប្រឆាំង ឃឺដ។ ទីភ្នាក់ងារសារព័ត៌មាន IRNA ផ្លូវការបានរាយការណ៍ថា ឧត្តមសេនីយ៍ Mohammad Pakpour ប្រធានកងកម្លាំងជើងគោក នៃឆ្មាំបដិវត្តន៍អ៊ីរ៉ង់បាននិយាយថា អង្គភាពរថពាសដែក និងកងកម្លាំងពិសេសេត្រូវបានដាក់ពង្រាយ ទៅកាន់ខេត្តភាគខាងលិច និងភាគពាយ័ព្យ ដើម្បី ពង្រឹងសន្តិសុខព្រំដែនដែលមានស្រាប់។
ការដាក់ពង្រាយនេះមានគោលបំណងទប់ស្កាត់ការជ្រៀតចូល និងការរត់ពន្ធអាវុធនៅភាគខាងជើង ដោយក្រុមប្រឆាំងឃឺដដែលនិរទេសខ្លួននៅក្នុងប្រទេសអ៊ីរ៉ាក់ ដែលទីក្រុងតេអេរ៉ង់អះអាងថា កំពុងរៀបចំការតវ៉ាប្រឆាំងរដ្ឋាភិបាលទូទាំងប្រទេស។ ទោះជាយ៉ាងណា រហូតមកទល់ពេលនេះ ការអះអាងខាងលើអ៊ីរ៉ង់មិនបានផ្តល់ភស្តុតាងណាមួយដើម្បីគាំទ្រវាទេ។
គួរបញ្ជាក់ថា អ៊ីរ៉ង់មានមូលដ្ឋានយោធាជាច្រើននៅជិតព្រំដែនអ៊ីរ៉ាក់ ជាកន្លែងដែលកងទ័ពបាន ផ្តាល់ប្តូរឈរជើងនៅទីនោះជាច្រើនទសវត្សរ៍មកហើយ៕
