(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចដោះដូរអភិបាលក្រុងតាខ្មៅ សង្ស័យជាប់ពាក់ព័ន្ធភាពអសកម្មនឹងការងារ។
តាមរយៈអនុក្រឹត្យធ្វើឡើងនៅថ្ងៃទី២២ ខែសីហានេះ សម្តេចតេជោប្រមុខរាជរដ្ឋាភិបាលកម្ពុជាបាន សម្រេចផ្ទេរភារកិច្ចលោក នូ សុវណ្ណរ៉ា ពីអភិបាលក្រុងតាខ្មៅ ឱ្យទៅបម្រើការងារនៅរដ្ឋបាល ខេត្ត កណ្តាល ហើយតែងតាំងលោក ឃឹម សំភារ ឱ្យទៅកាន់អភិបាលក្រុងតាខ្មៅជំនួសវិញ។
លោក ឃឹម សំភារ គឺជាអតីតអភិបាលរងស្រុកខ្សាច់កណ្តាល។
ក្នុងអនុក្រឹត្យមិនបានបញ្ជាក់ពីមូលហេតុនៃការដោះដូរនោះទេ។ តែជាការកត់សម្គាល់ការដោះដូរនេះ បានកើតមានឡើង បន្ទាប់ពីមានការបែកធ្លាយសារនៃសំឡេងឆ្លើយឆ្លងរបស់ឯកឧត្តម គង់ សោភ័ណ្ឌ អភិបាលខេត្តកណ្តាល ជាមួយចៅសង្កាត់ ពាក់ព័ន្ធការងារមួយចំនួននៅក្នុងក្រុងតាខ្មៅ៕
