អ៊ុយក្រែន លើកឡើងថា យន្តហោះចម្បាំង ឧទ្ធម្ភាគចក្រ និងរថពាសដែករបស់រុស្ស៊ីជាច្រើនគ្រឿង ត្រូវបានបំផ្លាញ

(គៀវ)៖  យោងតាមការចេញផ្សាយដោយ សារព័ត៌មាន Sky News នៅថ្ងៃព្រហស្បតិ៍ ទី២៤ ខែ កុម្ភៈ ឆ្នាំ២០២២ អោយដឹងថា រដ្ឋមន្ត្រីនៃរដ្ឋាភិបាលអ៊ុយក្រែនម្នាក់ បាននិយាយថា យ៉ាងហោច ណាស់យន្តហោះចំនួន០៦គ្រឿង ឧទ្ធម្ភាគចក្រចំនួន០២គ្រឿង ព្រមទាំងឧបករណ៍រថពាសដែក សត្រូវរាប់សិបគ្រឿងត្រូវបានបំផ្លាញ ខណៈដែលអ៊ុយក្រែនបានការពារខ្លួនពីការឈ្លានពានរបស់ រុស្សី។

រដ្ឋមន្ត្រីរូបនេះបានអះអាងថាកងកម្លាំងការពារជាតិអ៊ុយក្រែនកំពុងរារាំងការឈានទៅមុខរបស់ពួកឈ្លានពានរុស្ស៊ី ដោយបានដុតរថក្រោះចំនួន០៤គ្រឿងនៅជិតទីក្រុង Kharkiv ផងដែរ។

ដោយឡែក អ្នកនាំពាក្យក្រសួងការបរទេសអ៊ុយក្រែន លោក Oleg Nikolenko នៅថ្ងៃព្រហស្បតិ៍ នេះដែរបានអះអាងថា កងកម្លាំងប្រដាប់អាវុធអ៊ុយក្រែន បានចាប់ទាហានថ្មើរជើងរុស្ស៊ីពីរនាក់ ធ្វើជាអ្នកទោស៕