ថៃមាន មនុស្ស ២១,២៣២នាក់ឆ្លងកូវីដ-១៩ និងអ្នកជំងឺ ៣៩នាក់ស្លាប់ ក្នុងរបាយការណ៍ថ្ងៃពុធនេះ

 (បាងកក)៖  តាមការចេញផ្សាយដោយ សារព័ត៌មានថៃ Bangkok Post គឺបានអោយដឹងថា ក្រសួងសុខាភិបាលថៃ នៅថ្ងៃពុធ ទី២៣ ខែកុម្ភៈ ឆ្នាំ២០២២នេះ បានរាយការណ៍ពីការរកឃើញ ករណីឆ្លងជំងឺ COVID-19 ថ្មីៗចំនួន ២១,២៣២ករណីបន្ថែមទៀត ក្នុងរយៈពេល ២៤ម៉ោងចុង ក្រោយនេះ។ ក្រៅពីការរកឃើញករណីឆ្លងថ្មីៗខាងលើ អ្នកជំងឺចំនួន ៣៩នាក់បន្ថែមទៀត ក៏ត្រូវ បានរាយការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា ខណៈអ្នកជំងឺចំនួន ១៦,៦៦២នាក់ផ្សេងទៀត ត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។

សូមជម្រាបជូនថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន ២,៧៧០,៧៩៣ករណី ក្នុងនោះមានអ្នកស្លាប់ ២២,៧៣០នាក់ និងអ្នកជាសះស្បើយឡើងវិញគឺជាង ២.៥៧លាននាក់។ គិតត្រឹមពេលនេះ ប្រទេសថៃត្រូវគេ គណនាថា បានចាក់វ៉ាក់សាំងបង្ការជំងឺ COVID-19 សរុប ១២២លានដូស ក្នុងនោះប្រជាជន ៤៩.៤៤លាននាក់ (៧០.៨% នៃចំនួនប្រជាជនសរុប) បានទទួលការចាក់គ្រប់ដូស និងជាង ១៩.៣២លាននាក់ (២៧.៧%) បានចាក់ដូសជំរុញ៕