(ភ្នំពេញ)៖ ក្រសួងសុខាភិបាល នៅថ្ងៃទី១៦ ខែកុម្ភៈ ឆ្នាំ២០២២នេះ បានចេញសេចក្តីប្រកាស ព័ត៌មាន បញ្ជាក់ពីរកឃើញអ្នកឆ្លងកូវីដថ្មី ប្រភេទអូមីក្រុងចំនួន ២០៤នាក់ ក្នុងនោះករណីនាំចូល ចំនួន៩នាក់ និងឆ្លងក្នុងសហគមន៍១៩៥នាក់ ចំណែកអ្នកជំងឺជាសះស្បើយចំនួន១៥៧នាក់ និងមិន មានអ្នកស្លាប់ដោយសារជំងឺកូវីដ១៩ទេ គិតពីថ្ងៃទី៥ ខែមករាមកមានរយៈពេល៤៣ថ្ងៃ ជាប់គ្នា ហើយ ដែលកម្ពុជាគ្មានអ្នកស្លាប់ដោយជំងឺនេះ។
សូមជម្រាបថា គិតត្រឹមការប្រកាសរបស់ក្រសួងសុខាភិបាលថ្ងៃទី១៦ ខែកុម្ភៈ ឆ្នាំ២០២២ កម្ពុជារក ឃើញអ្នកឆ្លងជំងឺកូវីដ១៩៖ សរុបចំនួន១២៤,៣៤៣នាក់, អ្នកជាសះស្បើយសរុបចំនួន ១១៩,៣៥៣នាក់, ស្លាប់សរុបចំនួន៣,០១៥នាក់៕
