(បាងកក)៖ តាមការចេញផ្សាយដោយសារព័ត៌ស៊ីនហួរ គឺប្រាប់អោយដឹងថា មជ្ឈមណ្ឌលគ្រប់ គ្រងជំងឺ COVID-19 របស់ប្រទេសថៃ CCSA នៅថ្ងៃចន្ទ ទី១០ ខែមករា ឆ្នាំ២០២២នេះ បាន ប្រកាសពីការរកឃើញករណីឆ្លងជំងឺ COVID-19 ថ្មីៗចំនួន ៧,៩២៦កណីបន្ថែម ក្នុងរយៈពេល ២៤ម៉ោងចុងក្រោយនេះ។
ទិន្នន័យផ្លូវការបានបង្ហាញថា ករណី Omicron ឥឡូវនេះបានរ៉ាប់រ៉ងច្រើនជាងមួយភាគបី នៃការ ឆ្លងថ្មី ហើយត្រូវបានគេរកឃើញនៅក្នុងខេត្តចំនួន៧១ ក្នុងចំណោម៧៧របស់ប្រទេសថៃ។
មជ្ឈមណ្ឌលគ្រប់គ្រងជំងឺ COVID-19 របស់ប្រទេសថៃបានគូសបញ្ជាក់ថា ក្រៅពីការរកឃើញ ករណីឆ្លងថ្មីៗ អ្នកជំងឺចំនួន ១៣នាក់បន្ថែមទៀតក៏ត្រូវបានរាយការណ៍ថាស្លាប់ផងដែរ ក្នុងរយៈ ពេល ២៤ម៉ោងចុងក្រោយដូចគ្នា។
សរុបរហូតមកទល់ពេលនេះ ប្រទេសថៃ បានកត់ត្រានូវករណីឆ្លងសរុបនៅទូទាំងប្រទេស ២,២៧៧,៤៧៦ករណី ក្នុងនោះមានអ្នកស្លាប់២១,៨៣៨នាក់៕
