ថៃមាន មនុស្សជិត ៩,០០០នាក់បានឆ្លងកូវីដ-១៩ និងអ្នកជំងឺ ៧៩នាក់ទៀតស្លាប់ ក្នុងរបាយ ការណ៍ថ្ងៃពុធនេះ

 (បាងកក)៖  តាមការចេញផ្សាយដោយ សារព័ត៌មានថៃ Bangkok Post បានបញ្ជាក់ថា ក្រសួង សុខាភិបាលថៃនៅថ្ងៃពុធ ទី២០ ខែតុលា ឆ្នាំ២០២១នេះ បានរាយការណ៍ពីការរកឃើញករណីឆ្លង ជំងឺ COVID-19 ថ្មីៗចំនួន ៨,៩១៨ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ។ ក្រៅពីការរកឃើញករណីឆ្លងថ្មីៗខាងលើនេះ អ្នកជំងឺចំនួន ៧៩នាក់បន្ថែមទៀត ក៏ត្រូវបានរាយ ការណ៍ថាស្លាប់ផងដែរ ក្នុងរយៈពេល ២៤ម៉ោងចុងក្រោយដូចគ្នា។ ដោយឡែកអ្នកជំងឺចំនួន ១០,៨៧៨នាក់ផ្សេងទៀត ទើបតែត្រូវបានអនុញ្ញាតឱ្យចាកចេញពីមន្ទីរពេទ្យ ក្រោយជាសះស្បើយ។

សូមបញ្ជាក់ថា រហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុប នៅទូទាំងប្រទេសចំនួន ១,៨១១,៨៥២ករណី ក្នុងនោះមានអ្នកស្លាប់ ១៨,៤៨៦នាក់ និងអ្នកជាសះ ស្បើយឡើងវិញ ១,៦៨៩,៨៥៩នាក់។ គិតត្រឹមពេលនេះ ថៃបានចាក់វ៉ាក់សាំងបង្ការ COVID-19 សរុប ៦៦.៣៥លានដូស ក្នុងនោះប្រជាជន ២៦.៣៦លាននាក់ (៣៧.៦៨% នៃចំនួនប្រជាជន សរុប) បានទទួលការចាក់គ្រប់ដូស៕