(ភ្នំពេញ)៖ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការ ចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានចេញជូនដំណឹងបន្ថែម ស្តីពីការ ចាក់វ៉ាក់សាំងកូវីដ១៩ ដូសជំរុញ ឬដូសទី៣។ នេះបើតាមសេចក្តីជូនដំណឹងដែល ទទួលបាន។
លោកជំទាវ ឱ វណ្ឌឌីន បានបញ្ជាក់ក្នុងសេចក្តីជូនដំណឹងថា ដើម្បីទប់ស្កាត់ការឆ្លងរីករាលដាល នៃជំងឺកូវីដ-១៩ ឱ្យកាន់តែមានប្រសិទ្ធភាព និងដោយមានការយល់ព្រមពីសម្តេចតេជោនាយក រដ្ឋមន្ត្រី គណៈកម្មការចំពោះកិច្ចចាក់វ៉ាក់សាំង នឹងពង្រីកការចាក់វ៉ាក់សាំងដូសជំរុញ ឬ ដូសទី៣ នេះជូនដល់មន្ត្រីរាជការថ្នាក់ជាតិ និងក្រោមជាតិ ដែលជាគោលដៅអាទិភាពជាបន្តបន្ទាប់ទៀត៖
* មន្ត្រីកាកបាទក្រហមកម្ពុជាថ្នាក់ជាតិ៖ ចំពោះមន្ត្រីកាកបាទក្រហមកម្ពុជាថ្នាក់ជាតិ ដែលបាន ចាក់វ៉ាក់សាំងស៊ីណូហ្វាម ឬស៊ីណូវ៉ាក់ ដូសទី១ និងដូសទី២ រួចរាល់ សូមអញ្ជើញទៅចាក់វ៉ាក់សាំង អាស្ត្រាហ្សែនីកាដូស ជំរុញ ឬដូសទី៣ នៅមជ្ឈមណ្ឌលជាតិគាំពារមាតា និងទារក នៅថ្ងៃទី១៨ ដល់ ២០ ខែសីហា ឆ្នាំ២០២១។
* កម្លាំងនគរបាលថ្នាក់ជាតិ៖ ចំពោះកម្លាំងនគរបាល ដែលកំពុងបម្រើការងារនៅថ្នាក់ជាតិ ហើយ បានចាក់វ៉ាក់សាំងស៊ីណូហ្វាម ឬស៊ីណូវ៉ាក់ ដូសទី១ និងដូសទី២រួចរាល់ សូមអញ្ជើញទៅចាក់វ៉ាក់ សាំង អាស្ត្រាហ្សែនីកាដូសជំរុញ ឬ ដូសទី៣ នៅមន្ទីរពេទ្យ ១៦ឧសភា តាមកាលបរិច្ឆេទ និងការ រៀបចំចាត់ចែងរបស់អនុគណៈកម្មការ ចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌក្រសួង មហាផ្ទៃ។
* ចំពោះមន្ត្រីរាជការថ្នាក់ក្រោមជាតិ មន្ត្រីជាប់កិច្ចសន្យា និងអាជ្ញាធរមូលដ្ឋាន (រួមទាំងបុគ្គលិក សុខាភិបាលឯកជន) ក្រោមឱវាទរដ្ឋបាលខេត្តចំនួន១៧(ខេត្តកណ្តាល ព្រះសីហនុ កំពង់ស្ពឺ កំពង់ ចាម កំពង់ឆ្នាំង កំពង់ធំ កំពត ក្រចេះ មណ្ឌលគិរី ព្រៃវែង រតនគិរី សៀមរាប ស្ទឹងត្រែង ស្វាយរៀង តាកែវ កែប និងខេត្តត្បូងឃ្មុំ) ដែលបានចាក់វ៉ាក់សាំងស៊ីណូហ្វាម ឬ ស៊ីណូរ៉ាក់ ដូសទី១ និងដូស ទី២រួចរាល់ សូមអញ្ជើញទៅចាក់វ៉ាក់សាំង អាស្កាហ្សែនីកា ដូសជំរុញ ឬ ដូសទី៣ ដែលមានកាល បរិច្ឆេទ និងពេលវេលាកំណត់ នៅតាមទីតាំង ដែលនឹងត្រូវរៀបចំចាត់ចែង ដោយរដ្ឋបាលខេត្ត នីមួយៗខាងលើ។
* ចំពោះអ្នកសារព័ត៌មាន នៅរាជធានីភ្នំពេញ ដែលបានចាក់វ៉ាក់សាំងស៊ីណូហ្វាម ឬស៊ីណូវ៉ាក់ ដូស ទី១ និងដូសទី២ រួចរាល់ សូមអញ្ជើញទៅចាក់វ៉ាក់សាំង អាស្ត្រាហ្សែនីកា ដូសជំរុញ ឬ ដូសទី៣ នៅមន្ទីរពេទ្យកុមារជាតិ ចាប់ពីថ្ងៃទី០៨ ដល់ ១៥ ខែកញ្ញា ឆ្នាំ២០២១៕
